Salomonesee

D Salomonesee oder Salomonsee isch e Näbemeer vum Pazifische Ozean zwische Neiginea im Weschte, Neibritannie im Norde un dr Salomon-Insle im Oschten. Im Side stoht si mit em Korallemeer in Verbindig, im Nordweschte mit dr Bismarcksee. Zwische dr Salomonesee un em Korallemeer lyt s Louisiade-Archipel. D Flechi vu dr Salomonesee lyt bi rund 720.000 km².^[1] Im Zweete Wältchrieg isch d Salomonesee dr Schaublatz vu große Schlachte zwische dr Alliierte un em Chaiserrych Japan, dodrunter d Schlacht um Guadalcanal uf dr Salomone.

Im Norde vu dr Salomonesee verlauft dr Neibritannie-Bougainville-Grabe mit em Planetdief.

Abgränzig

No dr Definition vu dr International Hydrographic Organization (IHO) bildet die Gränze zue dr Bismarcksee im Nordweschte ne Linie vum sidlige Änd vu Neiirland uf 4°50' sidlige Braiti bis zue dr Kischte vu Neibritannie, wyter an dr nerdlige Kischte vu däre Insle lang zue ihrem weschtligschte Punkt, vu dert uus zum nerdligschte Punkt vu dr Insle Umboi un schließli bis zum Teliata Point (⊙-5.9166666666667147.4). D Abgränzig im Nordoschte zum Sidpazifik verlauft vum Sidspitz vu Neiirland zum Nordspitz vu dr Insle Buka, vu dert uus zum nordweschtligschte Punkt vu Bougainville, wyter an dr Sidsyte vu däre Insle un vu Choiseul, Santa Isabel, Malaita un Makira. D Gränze zum Korallemeer wird im Sidweschte dur Neiginea bildet.^[2]

Fueßnote

↑ Solomon Sea in dr Encyclopædia Britannica
↑ Limits of Oceans and Seas (Änglisch, PDF; 994 kB) International Hydrographic Organization. 1953. Archiviert vom Original am 8. Oktober 2011. Abgrüeft am 3. Februar 2012.

-8153Koordinate: 8° S, 153° O

Dä Artikel basiert uff ere fräie Übersetzig vu dere Version vum Artikel „Salomonensee“ vu de dütsche Wikipedia. E Liste vu de Autore un Versione isch do z finde.

[1] Solomon Sea in dr Encyclopædia Britannica

[2] Limits of Oceans and Seas (Änglisch, PDF; 994 kB) International Hydrographic Organization. 1953. Archiviert vom Original am 8. Oktober 2011. Abgrüeft am 3. Februar 2012.

[1]

[2]