Bismarcksee

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Charte – d Bismarcksee lyt nerdlig vu dr Insle Neibritannie

D Bismarcksee isch e Randmeer im Pazifische Ozean im Norde vu dr Insle Neiginea.

Di sidweschtlig Gränze bildet s Bismarck-Archipel, wu d Bismarcksee vum Pazifik drännt. No Nordweschte zues isch s Meer uffe. Im Side wird s dur Insle Neibritannie un Neiginea begränzt. Iber e Meerängi zwische Neiginea un Neibritannie, bildet vu dr Dampierstroß un dr Vitiaz-Stroß, isch d Bismarcksee mit dr Salomonesee verbunde.

D Bismarcksee het e Oscht-Wescht-Uusdehnig vu 1213 km un e Nord-Sid-Uusdehnig vu 577 km. D Flechenuusdehnig lyt no verschidene Quälle bi 225.000 km²[1] bis 320.000 km².[2] Si isch iber wyti Streckine 2000 Meter dief un het im Manus-Becki ihri grescht Diefi vu 2800 Meter.

In dr Bismarcksee isch im Pazifikchrieg (Zweete Wältchrieg) vum 2. bis 4. März 1943 d Schlacht in dr Bismarcksee uusdrait wore.

S Meer isch noch em erschte Chanzler vum Dytsche Rych Otto von Bismarck gnännt, wel dr Bismarck-Archipel un s noch gläge Chaiser-Wilhelm-Land (Nordoscht-Neiginea) im spoten 19. Johrhundert Dail vu dr dytsche Koloni Dytsch-Neiginea gsi sin.

Fueßnote[ändere | Quälltäxt bearbeite]

  1. Wolfram Alpha
  2. Oceana: Marine Places

-3.7833333333333147.96666666667Koordinate: 3° 47′ 0″ S, 147° 58′ 0″ O

Dä Artikel basiert uff ere fräie Übersetzig vu dere Version vum Artikel „Bismarcksee“ vu de dütsche Wikipedia.

E Liste vu de Autore un Versione isch do z finde.