Salome Pitschen
D Salome Pitschen (* 1966 z Baasel) isch e Schwyzer Filmbroduzänti, Filmreschiseeri un Filmeditoori.
Lääbe
[ändere | Quälltäxt bearbeite]D Pitschen isch anne 1966 z Baasel uf d Wält chuu un läbt syter 1985 z Züri. Vu 1985 bis 1987 het si zeerscht an dr ETH Züri Architäktuur studiert. Derno het sivu 1987 bis1995 Germanischtik, Filmwisseschafte un Chunschtgschiicht an dr Uniwersiteet Züri studiert un mit eme Lizentiaat in Film bi dr Christine Noll Brinckmann abgschlosse (Abschlussaarbet: «The Crying Game. Wegweiser in eine androgyne Zukunft?»).
Scho ab 1986 het si eerschti Filmerfaarige gmacht mit Video un Super-8. Vu 1988 bis 1999 het si as Filmschurnalischti bi Radio LoRa gschafft un deert d Filmsändig «Filmriss» moderiert.
Anne 1991 het si an dr New York University d «Beginning Film Production Class» bsuecht un im Rame dodervu fimf Chuurzfilm gmacht. In dr Joor 1994/95 isch si Co-Organisatoori vum Video- un Filmfeschtiwäl Videoex z Züri gsii. Vu 1995 bis 1997 het si Filmpraktika z New York bi dr Holly Fisher (Schnittassischtänz) un z Toronto bim Peter Mettler (Reschy-, Produkzioons- un Schnitt-Assischtänz).
Si isch retuurchuu uf Züri un schafft syter 2000 as unabhängigi Filmemacheri un Filmeditoori. Anne 2003 het si iri aige Produkzioonsfiirma Settebello grindet.[1][2]
Wu si fir ire Film «Being with Animals» Methoode vu dr Dierkommunikazioon chännegleert, het si vu 2018 bis 2021 e Uusbildig in «Healing Touch for Animals» (HTA) gmacht un schafft syterhäär au as Dierhaileri un Dierkommunikatoori.
Uusglääseni Filmografy
[ändere | Quälltäxt bearbeite]- 1998: «Letter to the Unconscious», Experimentaalfilm (Produkzioon, Reschy, Kamera, Schnitt), 6 Minute, zaigt uf dr Soledurner Filmdääg 1999
- 1999: «Ein Zufall im Paradies», Dokumäntaarfilm vum Matthias von Gunten (Schnitt-Assischtänz), 88 Minute
- 2001: «Venus boyz», Dokumäntaarfilm vum Gabriel Baur (Reschyassischtänz, Kamera, Schnitt), 104 Minute
- 2002: «ZüriWest - am Blues vorus», Dokumäntaarfilm iber d Schwyzer Rockband Züri West vu dr Annina Furrer un dr Regula Begert (Schnitt), 75 Minute
- 2002: «Oui! - 24 Stunden oder ein ganzes Leben?», Dokumäntaarfilm fir d Expo 02 in Yverdon-les-Bains (Reschy, Schnitt), DVCAM, 14 Minute
- 2005: «Das Zürcher Schauspielhaus – Mythos und Wirklichkeit», zwee TV-Film vum Peter Reichenbach un em Beat Lenherr (Schnitt), 52 un 59 Minute
- 2006: «Begegnungen mit der Malerin Maria Hafner», Dokumäntaarfilm vu dr Konstanze Binder (Produkzioon, Kamera, Schnitt), DV, 64 Minute
- 2006: «mittendrin – 5 Frauen, 5 Jahreszeiten», Dokumäntaarfilm (Produkzioon, Reschy, 2. Kamera, Schnitt), DVCam, 89 Minute
- 2008: «Alice – Paris», Spiilfilm vum Stefan Muggli (Schnitt), S16mm/HDCAM, 22 Minute
- 2009: «Memorizer – Der Sammler Andreas Züst», zee Interview vum Peter Mettler (Schnitt), XDCAM], je ca. 14–20 Minute
- 2010: «Wätterschmöcker», Dokumäntaarfilm vum Thomas Horat (Produkzioon, Kamera, Schnitt), 35mm, 98 Minute
- 2013: «Rock'n'Roll Kingdom», Dokumäntaarfilm vum Thomas Horat un em Luzius Wespe (Schnitt), HD, 80 Minute
- 2013: «Alpsummer», Dokumäntaarfilm zäme mit em Thomas Horat (Produkzioon, Kamera, Schnitt), HD, 89 Minute
- 2018: «Being with Animals», Dokumäntaarfilm (Produkzioon, Reschy, Schnitt), HD, 91 Minute
- 2019: «Die Rückkehr der Wölfe», Dokumäntaarfilm vum Thomas Horat (Produkzioon), HD, 90 Minute
Schrifte
[ändere | Quälltäxt bearbeite]- «Peter Mettler, making the invisible visible, das Unsichtbare sichtbar machen.» Peter Mettler Retrospektive des Internationalen Film- und Videofestivals Viper in Luzern, Schweiz 25.-29. Oktober 1995. Hrsg. von Salome Pitschen und Annette Schönholzer. Bilger, Zürich 1995
Uuszaichnige
[ändere | Quälltäxt bearbeite]- 2013 fir «Alpsummer»: Platinum Reel Award, Las Vegas[3]
- 2014 fir «Alpsummer»: drei Filmbryys am BendFilm Festival, Oregon, USA[3]
- 2019 fir «Being with Animals»: Prize of Excellence vum Japan Art Center, Tokio, Japan
- 2020 fir «Being with Animals»: Merit Award vum Awareness Film Festival, Los Angeles, USA
Weblink
[ändere | Quälltäxt bearbeite]- Websyte vu dr Produkzioonsfiirma vu dr Salome Pitschen, Settebello
- d Salome Pitschen uf swissfilms.ch]
- Being with Animals, Websyte zue irem Film iber Dierkommunikazioon
- salomepitschen.com, Websyte vu dr Salome Pitschen as Dierhaileri un Dierkommunikatoori
Fueßnote
[ändere | Quälltäxt bearbeite]- ↑ Salome Pitschen uf swissfilms.ch
- ↑ Biografy vu dr Salome Pitschen uf dr Websyte vu ire Produktzioonsfiirma Settebello
- ↑ 3,0 3,1 Bericht in Bote der Urschweiz vom 24. September 2014