Saft

Us der alemannische Wikipedia, der freie Dialäkt-Enzyklopedy
es Glas Orangschesaft

Saft wird meischtens mit em Prässsaft asoziiert, wo us Frücht oder Gmüès prässt würd. Am wiitiste verbreitet isch dr Orangschesaft.

was es für Saft git[ändere | Quälltäxt bearbeite]

Es git vil verschideni Art vo Säft, und me chan drum no wiiter unterteile in:

  • Körpersaft in Läbewäse (Mönsche, Dier und Pflanze)
  • Prässsaft us Frücht (zum Bischpiil Orangschesaft, Öpfel- und Biiremoscht – «Süessmoscht – oder Truubesaft)
  • ydikte Fruchtsaft und Syrup
  • Chrüütersaft als Medizin
dr Torkel z Bermatinge

Wortgschicht[ändere | Quälltäxt bearbeite]

Zu dr Gschicht vom Wort «Saft» findtme vil Kwellen und Informazione bim Schwyzerischen Idiotikon.[1]

S Wort chunt scho im Altmiddelhochdüütsche vor, und denn no i dr Form Saf.

I dr alte Medizin isch d Theory vo de Körpersäft langi Zyt öpis wichtigs gsii.

Wirtschaft[ändere | Quälltäxt bearbeite]

Ikaufsmengi vo Frücht- und Gmüessäft
Ikaufsmengi vo Frücht- und Gmüessäft

I dä Schwiiz isch dä meist verbreitet und verchauft Saft dr Orangschesaft, gfolgt vum Öpfel- und denn em Multifruchtsaft. Ä nid ganz chliine Teil machend anderi Sorte us, wo nid ufgführt sind.

Sit em Johr 2009 bis ins Johr 2018 (Ziitrum, wo Date verfüegbar sind) isch dr Verchauf starch zrugg gangä. Vor allem bim Orangschesaft, wo um 33 % ihbrocha isch. Aber au dä Öpfelsaft isch um 22 % gsunka. Nur dr Kokosnusssaft isch kontinuiärlich vo afangs 1,4 uf 2,9 % gstiige (2009–2018).[2]

E grosse Schwiizer Produzänt vo Säft (und andere Getränk) isch d Ramseier Suisse AG.

Wemme en Fruchtsaft loot lo vergääre chunt men es Getränk über, wo me lenger chan uufbewaare. So chame us em Truubesaft Wyy mache.

Lueg au[ändere | Quälltäxt bearbeite]

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Saft – Sammlig vo Multimediadateie

Fuessnoote[ändere | Quälltäxt bearbeite]

  1. Lueg im Artikel Saft bim Schwyzerischen Idiotikon
  2. Die Schweiz trinkt immer weniger, aber teureren Saft Artikel under Früchte und Gemüse uf blw.admin.ch vom 12. Juli 2019