Sabinianus

Us der alemannische Wikipedia, der freie Dialäkt-Enzyklopedy
dr Sabinianus, Darstellig in dr Basilika Sankt Paul vor dr Muure

Dr Sabinianus (* z Blera; † 22. Februar 606, vergrabe in St. Peter, Rom) isch vu 604 bis zue sym Dood Papscht gsii.

Lääbe un Wirke[ändere | Quälltäxt bearbeite]

Dr Sabinianus isch vu Blera (Bieda) bi Viterbo (Latium) chuu un isch e Suhn vun eme gwisse Bonus gsii, s Johr, wun er uf d Wält chuu isch, waißt mer nit.

Anne 593 isch er vum Gregor I. as Apokrisiar (Aposchtolische Nuntius) uf Konstantinopel gschickt, 595 aber wider retuurgruefe wore, wel er dr remisch Standpunkt z wenig entschide verfolgt un d Titelaanahm vun eme „Ekumenische Patriarch“ dur dr dertig Patriarch nit verhinderet heeb.

Noch ere Mission z Gallie un wun er dur alli Ämter vu dr Hierarchy glofen isch, isch er noch em Dood vum Gregor I. vermuetli im Merz 604 zum Papscht gwehlt wore, het aber no uf d Zuestimmig vum Chaiser Phokas mieße warte, wäge däm isch sy Wahl erscht am 13. Septämber 604 offiziäll wore. Är isch derfir kritisiert wore, ass er sy nit-chrischtlige Name as Papscht bhalte het.

Villicht isch s dur sy Vermittlig chuu, ass es zwisch em Smaragdus, em Exarch vu Ravenna, un em Agilulf, em Chenig vu dr Langobarde, zue me Friide chuu isch.

Vu dr menchsfryndlige Bolitik vu sym Vorgänger isch er wider abgruckt.

Wu s e Hungersnoot gee het, het er d Fruucht us dr päpschtlige Fruuchtschryyne verchauft, derwylscht syni Vorgänger die no cheschtelos verdailt hän, des het derzue gfeirt, ass es Volk ihn het aafange hasse. Di nechere Umständ vu sym Dood am 22. Februar 606 waißt mer nit, uf alli Fäll het sy Lyych vum Lateran in d Chilche St. Peter mieße brocht wäre, go si vor dr Wuet vum Volk schitze.

Em Sabinianus wird au d Yyfierig vum Lyte vu dr Chilcheglocke zum Stundegebät un zue dr Eucharischty zuegschribe.

Literatur[ändere | Quälltäxt bearbeite]

  • Erich KettenhofenSabinianus. In: Biographisch-Bibliographisches Kirchenlexikon (BBKL). Band 8, Herzberg 1994, ISBN 3-88309-053-0, Sp. 1148–1150.
  • H. Mann: Pope Sabinianus. In: Catholic Encyclopedia, Robert Appleton Company, New York 1913 (änglisch) (Volume XIII)

Weblink[ändere | Quälltäxt bearbeite]

 Commons: Sabinianus – Sammlig vo Multimediadateie
VorgängerAmtNachfolger
Gregor I.Papscht
604–606
Bonifatius III.
Dä Artikel basiert uff ere fräie Übersetzig vu dere Version vum Artikel „Sabinianus_(Papst)“ vu de dütsche Wikipedia. E Liste vu de Autore un Versione isch do z finde.