SIL-Code
Dr SIL-Kood isch e Kood für Sprooche, wo us drei Chliibuechstaabe bestoot.
Gschicht
[ändere | Quälltäxt bearbeite]SIL International git dr Ethnologue uuse. Das isch e Sammelwärk, wo sit 1951 bestoot und zum Ziil het, alli Sprooche uf dr Wält äihäitlig z klassifiziere und z katalogisiere. Sit dr 14. Uflaage isch dr Ethnologue im Internet frei zuegänglig. In dr 15. Uflaag vom Ethnologue im April 2005 isch dr SIL-Kood an dr ISO/DIS-639-3-Standard vo dr Norm ISO 639 aagliche worde, wo denn entwicklet worden isch. Dorum het s für e Hufe Sprooche nöiji Bezäichnige gee, wo us drei Buechstaabe bestöön. Und au Sprooche, wo scho usgstorbe si, häi e SIL-Kood überchoo. Sitdenn isch SIL International dr offizielli Verwalter vo de ISO-639-3-Kood für lääbigi Sprooche.
Bischbil
[ändere | Quälltäxt bearbeite]Unde nooche si e baar bekannti SIL-Kood (in de Chlammere d Kood, wo bis zur 14. Uflaag gültig gsi si).
- cmn (CHN) Hoochchinesisch
- hin (HND) Hindi
- eng (ENG) Änglisch
- spa (SPN) Spanisch
- nld (DUT) Niiderländisch
- swe (SWD) Schwedisch
- gsg (GSG) Dütschi Gebäärdesprooch
- scn (SCN) Sizilianisch