Ruedi Sommerhalder

Us der alemannische Wikipedia, der freie Dialäkt-Enzyklopedy

De Ruedi Sommerhalder (* 1947[1] z Wettige[2]) isch en Schwiizer Künstler.

Läbe[ändere | Quälltäxt bearbeite]

Er isch im Chloschterquartiir z Wettige ufgewachsen. In de RS isch er zum Militärtaucher usbildet worde und het uf di Art s Wasserschloss kenneglernt, wo ihn immer wider künschtlerisch inschpiriirt. Sit Endi vo de 1970er Johr läbt er z Undersiggedal,[3] wo er sit em 1995i[4] im Stroppel-Areal sis Atelier het.[5] Er schaffet als Kunsthandwerker und Lehrer an de Kanti Wettige.[6] De Ruedi Sommerhalder isch ghürote und het mit sinere Frau Tonia erwachseni Chind.

Kunscht[ändere | Quälltäxt bearbeite]

Kreiselschmuck in Brugg-Lauffohr

De Ruedi Sommerhalder bearbeitet Holz, Stahl, Stein und witeri Materialie. Im Aargau, bsunders in de Umghebig vom Wasserschloss, sind sini Chunschtwerk im öffentliche Ruum sehr präsent, so het er bischpilswis de Chreiselschmuck vo de Verchehrskreisel z Lauffohr und z Undersiggedal gestaltet. Eini vo sine Holzarbeite, e drüteiligi Figuregruppe mit Obigmolstisch, wo er 1995 zämme mit em Otto Strauss für di reformiert Chile Birmenschtorf gschaffe het, stoht hüt no in dere Chile.

Weblink[ändere | Quälltäxt bearbeite]

 Commons: Ruedi Sommerhalder – Sammlig vo Multimediadateie

Einzelnochwis[ändere | Quälltäxt bearbeite]

  1. Themenpfad: Der Kunstweg
  2. Hier spürt man die Inspiration
  3. Hier spürt man die Inspiration
  4. Ehepaar Sommerhalder feiert zehn Jahre Kulturstätte Garnhaus.
  5. Hier spürt man die Inspiration
  6. Die Pylone im Rohbau