Renato Maranta

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Renato Maranta (* 1920 z Poschiavo; † 1954 in Chur) isch än Schwiizer Komponischt und Schriftsteller gsii.

Läbe und Würkig[ändere | Quälltäxt bearbeite]

Dä Renato Maranta isch dä Sohn vom puschlaver Organischt Riccardo Maranta gsii, wo z Regeschburg Chilämusig schtudiert hät. Dä Renato Maranta hät z Rom, z Chur und z Lugano Theologii und Musig am Konservatorium z Züri schtudiert. Deetä hät er als Chilämusiker gschafft und isch bis 1943 Organischt in dä Pfarrei Maria Lourdes z Züri-Seebach und i dä Pfarrei St. Martin z Züri-Flunterä. Nachäne isch är in dä Pfarrei Herz Jesu z Züri Wiedikä Organischt gsii. Siis musikalschä Werch isch dur än eigetümlichi schlichti Innigkeit kennzeichnet und umfasst chilämusikalischi Wärch, drunder ä Soldatämäss, wiä au volchstümlichi Gsäng für diä italienischä Täler vom Püntnerland, wo Teil vo sim "Canzoniere del Grigione Italiano" hetti werdä sölä. Siini musikalischi und literarischi Arbät isch ganz im Iisatz vo dä geischtigä Landesverteidigung gschtandä und siini Wärch sind vom Radio Monteceneri und vom Radio Beromünschter mängsmal gsändät wordä. Bis zum jetzigä Tag wärdet siini chirchliche und siini volchstümliche Musigwärch i dä Täler vom Püntnerland gschetzt und ufgfüert.[1]

Musikalischi Wärch[ändere | Quälltäxt bearbeite]

  • Renato Maranta: Domine non sum dignus, Zürich 1943
  • Renato Maranta: Brevis, facilis Missa, Zürich 1944.
  • Renato Maranta: Missa pro milite, Zürich: Ed. Schweizer Chorwerke, 1945
  • Renato Maranta: Ave Maria, ohne Ort, ohne Jahr
  • Renato Maranta: Missa "In nomine Jesu", Zürich, ohne Jahr
  • Renato Maranta: O salutaris Hostia, Zürich, ohne Jahr
  • Renato Maranta: Tantum Ergo "eum jubilo": für gem. Chor, Zürich, ohne Jahr.

Schriftä[ändere | Quälltäxt bearbeite]

  • Renato Maranta: La poesia della culla nel Manzoni, in: Il San Bernardino. - 1940, Nr. 40
  • Renato Maranta: La "rotonda" di S. Vittore in: Almanacco del Grigioni, 1943, S. 75
  • Renato Maranta: Il genio elvetico : Hodler e Menn, in: Il Grigione Italiano, 1943, Nr. 22
  • Renato Maranta: 1944 : un giubileo sanbernardiniano, in: Il Grigione Italiano, 1944, Nr. 21
  • Renato Maranta: Il canto popolare, in: Il Grigione Italiano, 1945, Nr. 22
  • Renato Maranta: Federer a San Bernardino, in: Almanacco del Grigioni, 1945, S. 143.
  • Renato Maranta: I "Vespri valtellinesi"?, in: La Voce della Rezia, 1945, Nr. 14.

Fuessnoote[ändere | Quälltäxt bearbeite]

  1. Massimo Lardi: Per il centenario della nascita di Renato Maranta (19201954). Genio musicale e letterario incompreso, in: Il Grigione Italiano, 24. dicembre 2019, S. 17–18, vgl. dävo ä Teilversion im Internet: https://ilbernina.ch/2019/12/24/renato-maranta-1920-1954-genio-musicale-e-letterario-incompreso/