Dr Baasler Kunstsammler Remigius Faesch

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dr Remigius Faesch
Dialäkt: Baseldütsch

Dr Remigius Faesch (* 26. Mai 1595 z Baasel; † 27. Februar 1667 z Baasel) isch e Schwizer Jurist, dreimol Räkter vo dr Uniwersidäät Baasel und e bedütende Kunstsammler gsi.

Lääbe[ändere | Quälltäxt bearbeite]

Dr Remigius Faesch isch dr Soon vom Baasler Kaufmaa und Bürgermäister Johann Rudolf Faesch (1572–1659) gsi. Er het 1514–16 Rächt studiert z Gämf, Bourges, Bariis und Marburg; zu sine Leerer häi dr Hermann Vultejus und dr Regner Sixtinus ghöört. 1620/21 het dr Faesch e Räis uf Italie gmacht und dört Kunst und Kunstgschicht studiert.

Dr Faesch het vo 1628 bis zu sim Dood, also fast vierzig Jóor lang, z Baasel as Brofässer für Rächt gschafft. In de Joor 1637, 1649 und 1660 isch er dr Räkter vo dr Uniwersidäät gsi.

S Faeschische Kabinett[ändere | Quälltäxt bearbeite]

Dr Faesch isch au e flissige Sammler gsi und het e Kabinett gründet wo noch iim s Faeschische Kabinett ghäisse het. Das isch e bedütendi Kunst- und Raritätesammlig gsi und isch bis 1823 as Familiefideikommiss im Bsitz vo dr Familie Faesch bliibe, wo s denn dr Uniwersidäät Baasel gee het. Zämme mit dr Sammlig vom Johann Amerbach, em Amerbachkabinett, het s Faeschische Kabinett dr Grundstock vo dr Öffentlige Bibliothek vo dr Uniwersidäät Baasel und vom Museum an dr Augustinergass bildet.

Litratuur[ändere | Quälltäxt bearbeite]

  • Theodor Bühler: Faesch, Remigius. In: Historisches Lexikon vo dr Schwiiz.
  • André Salvisberg: „… mit grosser Müh, Sorgfalt und Unkosten, in dreissig und mehr Jahren zusammen geleget …“ Das Museum Faesch. In: Die grosse Kunstkammer. Bürgerliche Sammler und Sammlungen in Basel. Basel 2011.
  • Remigius Sebastian Faesch, André Salvisberg: Das Museum Faesch. Eine Basler Kunst- und Raritätensammlung aus dem 17. Jahrhundert. Basel 2005.

Weblingg[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Remigius_Faesch_(Jurist)“ vu de dütsche Wikipedia. E Liste vu de Autore un Versione isch do z finde.