Remigius Faesch

Dr Remigius Faesch (au Remy Faesch, Ruman Faesch) (* um 1460 z Baasel; † 1533 oder 1534 z Thann, Elsass) isch e Baumäister in dr Spootgotik gsi. Si bedütendsts Wärk isch dr Durmhelm vom Münster vo Thann im Elsass. Er isch dr Soon vom Nikolaus Faesch gsi und chunnt 1476 zum erste Mol in de Kwelle as Stäimetz vor. Im Joor 1487 isch er dr stedtisch Wärkmäister vo Baasel worde. Er het Brofan- und Sakralbaute baut, wie s Zumfthuus zum Schlüssel (1486-1488), s Gwölb vom Chor in dr Baasler Kartause (1488) oder d Eberlerkapälle in dr Peterskiirche (1474/75). Um 1491 isch er as Münsterbaumäister uf Thann gange, won er 1506–1516 dr Durm fertig baut het, si Hauptwärk. Z Thann stamme vo iim au d Gwölb vom Middelschiff und vom nördlige Siteschiff. 1503 isch er Münsterbaumäister vo Baasel worde, er het aber am Münster dört käini Spuure hinderloo.

Litratuur

Stephan Gasser: Faesch, Remigius. In: Historisches Lexikon vo dr Schwiiz.
Hans Reinhardt: Fäsch, Ruman (Romey, Remigius). In: Neue Deutsche Biographie (NDB). Band 4, Duncker & Humblot, Berlin 1959, ISBN 3-428-00185-0, S. 742.

Dä Artikel basiert uff ere fräie Übersetzig vum Artikel „Remigius_Faesch_(Architekt)“ vu de dütsche Wikipedia. E Liste vu de Autore un Versione isch do z finde.