Relinda Schmidt

D Relinda Schmidt (* 13. Dezämber 1937 as Relinda Ulrich) isch e dytschi Mooleri un Haimediichteri.

Lääbe

D Relinda Schmidt isch z Öflige mit zwai Gschwischtrig ufgwagse. No dr Schuel het si as Laaden- un Huushaltshilf im Öfliger Lääbesmittelgschäft Siegrist gschafft un speeter bi dr Fiirma Brennet. Anne 1958 het si dr Martin Schmidt vu Öflige ghyroote. Mit ihm isch si 55 Johr lang ghyrote gsii, bis zue sym Dood anne 2013.

Scho s Schueleri isch ire zaichnerisch Talänt ufgfalle. Si het speeter Chunschtunteriicht gnuu bi Mooler wie Werner Dietz un Manfred Dix un het aafange moole. Si het e Hufe Bilder gmoolt, eender geegeständlig, speeter au Ikonografie un het iri Bilder in dr Region in Uusstellige zaigt. Wänn si Bilder verchauft het, het si alliwyl d Helfti fir e guete Zwäck gspändet.

Dernääbe duet si au Gediicht un Gschiichte uf Alemannisch schryybe. E Uuswahl het si in zwai Biechli vereffetligt, s eerscht anne 1984 unter em Titel „S’chunnt vo Härze“, s zwait „Sunneschii und Schtürm“ anne 1989.

Si isch Mitgliid bi dr Muettersproch-Gsellschaft un het d Regionalgruppe Hochrhii mitgrindet un si in dr Aafangsjohr au as Voorsitzeri glaitet.

Wäärch

• S’chunnt vo Härze. Morstadt Verlag, Kehl 1984. 71 S.
• Sunneschii und Schtürm. Eigenverlag, Wehr-Öflingen 1989. 70 S. Ill.
• Schöni Trompeterschtadt. Gedicht. In: Badische Heimat 68 (1988): S. 42 (Online)

Weblink

• Hansjörg Bader: Öflinger Künstlerin wird 80 Jahre alt, Badischi Zytig, 13. Dezämber 2017