D Kriise vom Römische Riich im 3. Joorhundert

Us der alemannische Wikipedia, der freie Dialäkt-Enzyklopedy
Dr Maximinus „Thrax“, dr erst Soldatekaiser.
S gspaltnige Riich, 271
Root: s Römische Riich
Grüen: s Gallische Riich
Gääl: s Riich vo Palmyra

As Riichskrise vom 3. Joorhundert bezäichnet die modärni Gschichtswüsseschaft d Zit vo 235 bis 284/85 n. d. Z. im Römische Riich. In dere Zit, wo die sogenannte Soldatekaiser s Imperium aagfüert häi, het s e ganzi Serii vo innere und üssere Krise gee. Die Periode het am Ändi vo dr Kaiserdünastii vo de Severer aagfange, wo e stabilisierende Faktor im Riich gsi si.

Meereri nöiji germanischi Groossverbänd und s aggressive nöipersische Sāsānideriich häi s Imperium Romanum bedroot, wo mänggisch gliichzitig Invasione im Norde und im Oste het müesse abweere und eso an d Gränze vo sinere milidäärische Läistigsfähigkäit cho isch. E Hufe Usurpazioone, d Abspaltig vo Riichsgebiet (s Gallische Sonderriich und s Däilriich vo Palmyra) und regionali wirtschaftligi Brobleem häi s Imperium no drzue belastet. Dr Höepunggt vo dr Kriise isch um 260 gsi. Dr römisch Staat und denn au s Kaiserdum häi schliesslig mit meerere diefgrifende Reforme im administrative und milidäärische Beriich wider chönne stabilisiert wärde. Die Schlussfaase vom Prinzipat isch choo, wo dr Diokletian (284/85) d Regierig übernoo het. Säll Joor wird mäistens as dr Aafang vo dr Spootantike aagluegt.

D Gschicht vo Rom im 3. Joorhundert isch sit Joore s Süsche von ere läbhafte Forschigsdiskussion. Mänggi Forscher folge dr dradizionelle Sichtwiis und göön drvo us, ass es zum ene vollständige Niidergang und ere Süsteemkrise vom Riich cho isch, wo alli Lääbesberiich beiiflusst het. Anderi si wääsentlig vorsichtiger und stelle zwar die verschidnige Kriseszmptom bsunders für d Joor um 260 nit in Froog, gseen aber die Zit eender as e Dransformazionsfaase vo dr antike Wält zur Spootantike aane, wo s au vilversprächendi Aasätz zur Bewältigung vo dr „Krise“ gee häig; usserdäm häige meereri Browinze vom Imperium in dere Zit sogar e regelrächti Blüete erläbt. Es git au Forscher, wo grundsätzlig bezwiifle, ass mä dr Begriff „Krise“ für d Zueständ im 3. Joorhundert chönn bruuche.

Litratuur[ändere | Quälltäxt bearbeite]

  • Andreas Alföldi: Studien zur Geschichte der Weltkrise des 3. Jahrhunderts nach Christus. Darmstadt 1967.
  • Geza Alföldy: Römische Sozialgeschichte. 4. Auflage. Stuttgart 2011, S. 254–272.
  • Clifford Ando: Imperial Rome AD 193 to 284. The Critical Century. Edinburgh 2012.
  • Bruno Bleckmann: Die Reichskrise des III. Jahrhunderts in der spätantiken und byzantinischen Geschichtsschreibung. Untersuchungen zu den nachdionischen Quellen der Chronik des Johannes Zonaras. Münche 1992.
  • Alan Bowman, Averil Cameron, Peter Garnsey (Hrsg.): The Cambridge Ancient History. 2. überarb. Aufl., Bd. 12 (The Crisis of Empire, AD 193–337). Cambridge 2005.
  • Henning Börm: Die Herrschaft des Kaisers Maximinus Thrax und das Sechskaiserjahr 238. Der Beginn der „Reichskrise“?. In: Gymnasium. Bd. 115, 2008, S. 69–86.
  • Stephanie Brecht: Die römische Reichskrise von ihrem Ausbruch bis zu ihrem Höhepunkt in der Darstellung byzantinischer Autoren. Rahden/Westf. 1999.
  • Michel Christol: L’empire romain du IIIe siècle. Histoire politique (de 192, mort de Commode, à 325, concile de Nicée). 2. Uflaag, Bariis 1998.
  • John F. Drinkwater: The Gallic Empire. Separatism and Continuity in the North-Western Provinces of the Roman Empire A.D. 260–274. Stuttgart 1987 (Historia Einzelschriften 52).
  • Thomas Fischer (Hrsg.): Die Krise des 3. Jahrhunderts n. Chr. und das Gallische Sonderreich. Akten des Interdisziplinären Kolloquiums Xanten 26. bis 28. Februar 2009. Reichert, Wiesbade 2012, ISBN 978-3-89500-889-4.
  • Felix Hartmann: Herrscherwechsel und Reichskrise. Untersuchungen zu den Ursachen und Konsequenzen der Herrscherwechsel im Imperium Romanum der Soldatenkaiserzeit (3. Jahrhundert n. Chr.). Frankfurt am Main 1982 (Europäische Hochschulschriften, Ser. III, Bd. 149).
  • Udo Hartmann: Das palmyrenische Teilreich. Stuttgart 2001 (Oriens et Occidens 2).
  • Olivier Hekster: Rome and its Empire, AD 193–284. Edinburgh 2008.
  • Olivier Hekster, Gerda de Kleijn, Danielle Slootjes (Hrsg.): Crises and the Roman Empire. Proceedings of the seventh workshop of the International Network Impact of Empire (Nijmegen, June 20–24, 2006). Leiden u. a. 2007.
  • Klaus-Peter Johne, Thomas Gerhardt, Udo Hartmann (Hrsg.): Deleto paene imperio Romano. Transformationsprozesse des Römischen Reiches im 3. Jahrhundert und ihre Rezeption in der Neuzeit. Stuttgart 2006.
  • Klaus-Peter Johne (Hrsg.): Die Zeit der Soldatenkaiser. Krise und Transformation des Römischen Reiches im 3. Jahrhundert n. Chr. (235–284). 2 Bde. Berlin 2008, ISBN 978-3-05-004529-0.
  • Christian Körner: Transformationsprozesse im Römischen Reich des 3. Jahrhunderts n. Chr. In: Millennium 8, 2011, S. 87–123.
  • Fergus Millar: P. Herennius Dexippus. The Greek World and the Third Century Invasions. In: Journal of Roman Studies 59, 1969, S. 12–29.
  • David S. Potter: The Roman Empire at Bay. AD 180–395. London u. a. 2004, ISBN 0-415-10058-5.
  • David S. Potter: Prophecy and History in the Crisis of the Roman Empire. A Historical Commentary on the Thirteenth Sibylline Oracle. Oxford 1990, ISBN 0-19-814483-0.
  • Michael Sommer: Die Soldatenkaiser. 2. Uflaag, Darmstadt 2010 (Geschichte kompakt), ISBN 3-534-17477-1.
  • Karl Strobel: Das Imperium Romanum im „3. Jahrhundert“. Modell einer historischen Krise?. Stuttgart 1993 (Historia Einzelschriften 75), ISBN 3-515-05662-9.
  • Gerold Walser, Thomas Pekary: Die Krise des römischen Reiches. Bericht über die Forschungen zur Geschichte des 3. Jahrhunderts (193–284 n. Chr.) von 1939 bis 1959. Berlin 1962.
  • Christian Witschel: Krise – Rezession – Stagnation? Der Westen des römischen Reiches im 3. Jahrhundert n. Chr. Frankfurt am Main 1999.
Dä Artikel basiert uff ere fräie Übersetzig vum Artikel „Reichskrise_des_3._Jahrhunderts“ vu de dütsche Wikipedia. E Liste vu de Autore un Versione isch do z finde.