Regula Rytz

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Regula Rytz (2011)

D Regula Rytz (* 2. März 1962 z Thun) isch e Schwiizer Politikerin. Si isch Nationalröötin und d Presidäntin vo der Grüene Partei vo der Schwiiz.

ihres Läbe und d Politik[ändere | Quälltäxt bearbeite]

D Regula Rytz isch d Dochter vomene Architekt und vonnere Musikerin, si het 1983 am Semer z Thun s Lehrerpatänt übercho und bis 1989 Schuel ggää. Derno het si a der Uni Bärm Gschicht, Soziology und Staatsrächt studiert und anne 1997 s Liz gmacht.

Vo 1993 bis 1998 isch si die Politischi Sekretärin vom Grüene Bündnis Bärn gsi und 2001 isch si d Zentralsekretärin vom Schwiizerische Gwärkschaftsbund woorde. Vo 1994 bis 2005 isch si im Bärnische Grosse Root gsi und vo 2005 bis 2012 het si zu der Stadtregierig vo Bärn ghört.

2011 isch d Rytz füre Kanton Bärn i Nationalroot gwählt woorde, und 2015 grad wider. Anne 2019 tuet si füre Ständeroot kandidiere.

Am 21. April 2012 het me d Regula Rytz und d Adèle Thorens Goumaz zäme als Co-Presidäntinne vo der Grüene Partei vo der Schwiiz gewählt, und das isch bis 2016 eso ggange, wo d Rytz die einzegi Presidäntin vo der Partei worden isch.

D Rytz isch i der Schwiizer Öfentlechkeit und i de Medie guet präsänt zum d Aalige vo de Grüene go verträtte öppe wenn s ume Schutz vom Klima, um d Energypolitik oder ume Naturschutz und um soziali Frooge goot.[1] Si macht im Vorstand vo der Alpeninitiative und i däm vom Lötschbärgkomitee und in andernen Organisazioone mit.

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Regula Rytz: Politik für die Menschen und für die Natur uf nzz.ch