Ramona Straub

Ramona Straub
d Ramona Straub bi dr Juniorewältmaischterschafte 2010
Nation	Deutschland Dytschland
Geburtstag	19. Septämber 1993 (31 Johr)
Größi	164 cm
Berüef	Sportsoldati
Karriere
Verein	SC Langenordnach
Trainer	Andreas Bauer
Nationalkader	sit 2007
Pers. Beschtwiti	120 m (Oberstdorf)
Status	zruckträtte
Karriereänd	2021
Medaillespiegel
WM-Medaillen 1 × 0 × 0 × JWM-Medaillen 0 × 1 × 0 × Nationale Medaillen 0 × 0 × 3 ×
Nordischi Ski-WM Gold 2019 Seefeld Team Skisprung-JWM Silber 2012 Erzurum Team
Skisprung-Weltcup / A-Klasse-Springe
Debüt im Wältcup	7. Jänner 2012
Weltcupsiig (Team)	01  (Detail)
Gsamtwältcup	14. (2017/18, 2018/19)
Raw Air	42. (2019)
Podiumsplatzierige 1. 2. 3.  Einzelspringe 0 1 0  Teamspringe 1 0 0
Skisprung-Grand-Prix
Debüt im Grand Prix	17. Augschte 2012
Gsamtwärtig Grand Prix	10. (2018)
Podiumsplatzierige 1. 2. 3.  Einzelspringe 0 0 1
Skisprung-Continental-Cup (COC)
Debüt im COC	10. Februar 2007
COC-Siig (Einzel)	01  (Detail)
Gsamtwärtig COC	03. (2012/13)
Podiumsplatzierige 1. 2. 3.  Einzelspringe 1 2 2

D Ramona Straub (* 19. Septämber 1993) isch e ehmoligi dytschi Skigumperi, wu fir dr SC Langenordnach aadrätten isch. Ire grescht Erfolg isch dr Wältmaischtertitel mit dr Mannschaft bi dr Wältmaischterschafte 2019 z Seefeld in Tirol gsii.

Karriere

In ire erschte Saison 2006/07 im Continental Cup isch si in dr Gsamtwärtig uf dr 57. Blatz chuu. Z Pöhla 2009 het si mit Blatz fimf ire bescht Ainzelergebnis ghaa. Bi dr Dytsche Maischterschafte z Garmisch-Partenkirchen 2009 het si Bronze gwunne un bi dr Juniorewaltmaischterschafte 2009 z Štrbské Pleso isc si uf dr segst Blatz chuu. D Straub het 2009 bi dr OPA-Spiil z Baiersbronn dr dritt Blatz gholt. Anne 2010 het si d Gsamtwärtig vum Dytschlandpokal gwunne. In dr Saison 2010/11 het d Straub im Ladies Cup d Gsamtärtig in dr Kategory Juniorene gwunne. Am 7. Jänner 2012 het si ire Debüt im Wältcup gee un isch doo 26. wore. Bi ire dritte Juniorewältmaischterschafte 2012 z Erzurum het si im Team d Silbermedaille gwunne un isch im Ainzel 18. wore. 2012 het si zwai Gimp im Alpecup z Aisele gwunne. Bi dr Dytsche Maischterschafte 2012 z Hinterzarte het si d Bronzemedaille im Ainzel gwunne. In dr Gsamtwärtig vum Continental Cup 2012/13 isch si emänd uf em dritte Blatz glandet.

Bim Continental-Cup-Gumpe am 15. Februar 2014 z Lahti het si d Straub im zweete Durgang verletzt un het si ne Chryzbandriss zuezoge. Si het mieße operiert wäre un d Saison 2013/14 vorzytig abbräche.

Wu d Saison 2014/15 aagfange het, het d Straub wider im internazionale Wettbewärb chenne mitmache. Im Dezämber 2014 het si zerscht z Notodden ire Comeback im Continental Cup ghaa un im Jänner 2015 schließli au im Wältcup z Oberschtdorf iber di nazional Gruppe. Bi re Routine-Untersuechig im Februar 2015 isch aber feschtgstellt wore, ass si wäge Narbegwäb nomol het mieße operiert wäre, dodermit isch au d Saison 2014/15 fir sii vorzytig am Änd gsii.

No däre neie Operazion het si ire internazional Comeback wider bim Continental Cup gee, z Notodden im Dezämber 2015. Im Jänner 2016 isch si derno au wider bim Wältcup z z Oberschtdorf iber di nazional Gruppe an Start gange un het dert as 24. diräkt Wältcuppinkt gholt.

In dr Saison 2016/17 het si fescht zue dr dytsche Wältcup-Mannschaft ghert un isch in fascht jedem Gumpe in Finaldurgang chuu. Im Gsamtwältcup isch si uf dr 19. Rang chuu. Bi dr Nordische Skiwältmaischterschafte 2017 z Lahti het si dr 33. Blatz im Ainzelwettbewärb ghaa.

Am 18. August 2017 het d Straub z Oberwiesenthal ire erscht Siig im Continental Cup gholt. Am Dag druf isch si Zwooti hinter dr Poli Kamila Karpiel wore. In dr Saison 2017/18 isch si erscht im Dezämber iber di nazional Gruppe z Hinterzarte ins Wältcup-Team chuu. Dert isch ere mit Blatz vier di bescht Blatzierig vu ire Karriere in eme Ainzelwältcup-Gumpe glunge. Dodruf isch si Dail vu dr Wältcup-Mannschaft blibe un isch schließli au fir di Olympische Winterspiil 2018 z Pyeongchang nominiert wore. Im Ainzelwettbewärb uf dr Normalschanze isch si uf dr acht Blatz chuu. Am Änd vu dr Saison isch si 14. vum Gsamtwältcup gsii un het dodermit ire bishär bescht Resultat in däre Wärtig ghaa.

Am 2. Dezämber 2018 het si bim Lillehammer Triple 2018 as Zwooti hinter dr Katharina Althaus iri erscht Podeschtblatzierig im Wältcup ghaa. Bi dr Nordische Skiwältmaischterschafte 2019 z Seefeld hat d Straub zäme mit der Juliane Seyfarth, dr Carina Vogt un dr Katharina Althaus dr Wältmaischtertitel vor Eschtrych un Norwäge im Teamgumpe gwunne, wu zum erschte Mol uusdrait woren isch. Im Einzelwettbewerb belegte sie Platz 18. Beim ersten Wettkampf der Raw Air 2019 auf dem Holmenkollbakken in Oslo stürzte Straub im zweiten Durchgang schwer und zog sich einen Kreuzbandriss im rechten Knie zu.

Im Mai 2021 het d Straub mit ire Sport-Karriere ufghert.

Si wohnt z Langenordnach.

Erfolg

Wältcupsiig im Team

Nr.	Datum	Ort	Typ
1.	19. Jänner 2019	Japan Yamagata	Normalschanze 1

¹ mit dr Juliane Seyfarth, dr Carina Vogt un dr Katharina Althaus

Continental-Cup-Siig im Ainzel

Nr.	Datum	Ort	Typ
1.	18. Augschte 2017	Deutschland Oberwiesenthal	Normalschanze

Dytschi Maischterschafte

Dytschi Maischterschafte
	Deutschland 2009 Garmisch-Partenkirchen	Bronze im Ainzel
	Deutschland 2012 Hinterzarte	Bronze im Ainzel
	Deutschland 2018 Hinterzarte	Bronze im Team

Statischtike

Saison	Wältcup	Continental Cup	FIS-Cup	FIS-Ladies-Grand-Prix	Ladies Cup	Alpecup	Grand Prix
2006/07	–	57	–	–	–	–	–
2007/08	–	56	–	45.	–	–	–
2008/09	–	29	–	–	–	–	–
2009/10	–	28	–	18.	–	–	–
2010/11	–	51	–	18.	1. (Juniore)	–	–
2011/12	40.	55.	–	–	1. (Dame)	–	–
2012/13	38.	03.	20.	–	–	–	33.
2013/14	18.	47.	–	–	–	–	48.
2014/15	–	57.	–	–	–	–	–
2015/16	46.	–	–	–	–	–	–
2016/17	19.	09.	30.	–	–	–	–
2017/18	14.	07.	58.	–	–	–	33.
2018/19	14.			–	–		10.

Weblink

 Commons: Ramona Straub – Sammlig vo Multimediadateie

• Ramona Straub in dr Datebank vum Internationale Skiverband FIS (änglisch)
• Ramona Straub uf Olympics.com – The Official website of the Olympic movement.
• Offiziälli Syte uf Facebook

Fueßnote

Dä Artikel basiert uff ere fräie Übersetzig vu dere Version vum Artikel „Ramona_Straub“ vu de dütsche Wikipedia. E Liste vu de Autore un Versione isch do z finde.