Ramona Pop

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Ramona Pop (2017)

D Ramona Pop (* 31. Oktober 1977 z Temeschwar, Rumänie) isch e rumänisch-dytschi Bolitikeri (Bindnis 90/Di Griene) un syt em 8. Dezämber 2016 Burgermaischteri vu Berlin un Senatori fir Wirtschaft, Energy un Bedrib. Dervor isch si ab 2009 Vorsitzeri vu dr Fraktion Bindnis 90/Di Griene im Berliner Abgordnetehuus gsii.

Lääbe[ändere | Quälltäxt bearbeite]

D Pop chunnt us ere rumäniedytsche Familie (Banater Schwobe) un isch z Rumänien ufgwachse. Ihri Famili isch anne 1988 uf Dytschland zoge. Noch em Abitur am Wilhelm-Hittorf-Gymnasium z Münster (Westfalen) anne 1997 het d Pop bis 2003 an dr Weschtfälische Wilhelms-Universitet z Münster un dr Freie Universitet Berlin Bolitikwisseschaft studiert un het s Studium am am Otto-Suhr-Inschtitut als Diplom-Bolitologin abgschlosse. Si het di rumänisch un di dytsch Staatsburgerschaft.[1]

Syter 1997 isch d Ramona Pop Mitglid bi Bindnis 90/Di Griene. In dr Bartei het si verschideni Ämter ghaa. Si isch vu 1998 bis 2000 Kraisvorstandsmitglid z Münster un vu 2000 bis 2001 Bundessprächeri vu dr Griene Juged gsii. Syt Novämber 2001 isch si Mitglid vum Berliner Abgordnetehuus (MdA)- Si isch aafangs jugedbolitischi Sprächeri vu dr Fraktion gsii, derno stellverdrättendi Fraktionsvorsitzeri un arbetsmärtbolitischi Sprächeri. Si isch Mitglid im Hauptuusschuss, im Unteruusschuss Huushaltskontroll un im Uusschuss fir Integration, Arbet, Beruefligi Bildig un Sozials. Si ghert zum Realo-Fligel vu dr Bartei.

Im Oktober 2009 isch si zue dr Noofolgeri vu dr Fraktionsvorsitzeri Franziska Eichstädt-Bohlig gwehlt wore, wu us Altersgrind zruggdrätten isch. Bis zum Änd vu dr 16. Legislaturperiod (2011) het d Pop mit em Volker Ratzmann e Doppelspitz bildet. Im Septämber 2011 het si bi dr Abgordnetehuuswahl z Berlin s Diräktmandat im Wahlkrais Mitte 1 gwunne. D Pop un dr Ratzmann sin as Fraktionsvorsitzer widergwehlt wore. Noch em Ruggdritt vum Volker Ratzmann vum Fraktionsvorsitz am 15. Novämber 2011 het d Pop die Funktion zerscht ellai uusgiebt. Syt Oktober 2012 het s wider e Doppelspitz us dr Ramona Pop un dr Antje Kapek. Fir d Berlin-Wahl im Septämber 2016 isch d Pop uf Platz Ais vu dr Landeslischt gstande. Di Griene sin zue dr Wahl mit ere Viererteam us dr Bartei- un Fraktionsspitz aadrätte. No dr Wahl hän di Griene zäme mit dr SPD un dr Linle ne Koalition bildet. D Pop isch Senatori fir Wirtschaft, Energy un Bedrib wore.

D Pop isch Kuratoriumsmitglid vum Berliner Lette-Verain.

Weblink[ändere | Quälltäxt bearbeite]

 Commons: Ramona Pop – Sammlig vo Multimediadateie

Fueßnote[ändere | Quälltäxt bearbeite]

  1. Grünen-Kandidatin Ramona Pop (Memento vom 26. Augschte 2016 im Internet Archive), Der Tagesspiegel
Information icon.svg Dä Artikel basiert uff ere fräie Übersetzig vu dere Version vum Artikel „Ramona_Pop“ vu de dütsche Wikipedia.

E Liste vu de Autore un Versione isch do z finde.