Römermuseum Augst

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S Römermuseum
Dialäkt: Baseldütsch

S Römermuseum Augst (Anderi Nääme: Augusta Raurica; Römerhuus und Museum; Römerstadt Augusta Raurica) isch en archäologischs Museum und Freiliechtmuseum in dr Gmäind Augst im Kanton Basel-Landschaft in dr Schwiz. Es isch em Amt für Kultur vo dr Bildigs-, Kultur und Sportdirekzion vom Kanton Basel-Landschaft understellt.

Beschriibig[ändere | Quälltäxt bearbeite]

Im Museum befinde sich die wichdigste Fünd us de Usgraabige z Kaiseraugst und z Augst. Es vermiddlet die riichi Gschicht vo dr römische Stadt Augusta Raurica. Näben em Museum befinde sich witeri Usstelligsrüüm und mee as zwanzig Freiliechtschaublätz im ganze Gebiet vo de Gmäinde Kaiseraugst und Augst. S bedütendste Usstelligsstück isch dr Silberschatz vo Kaiseraugst.

Dank ere Spänd vom ene Baasler Mäzen het mä 1954/1955 näben em Museum e römischs Woonhuus im Massstab 1:1 chönne rekonstruiere und komplett mit Originalgegeständ us dr römische Zit bzw. mit Kopie möbliere. Wil dr Ufbau vom ene komplette Kwardier, ere Insula, us finanzielle Gründ nit in Froog choo isch, het mä sich uf e representative Usschnitt beschränkt, nämlig uf e Huus mit Gwärblääde uf d Strooss aane und d Brivatrüüm hindedraa:

  • Gwärbdäil (uf d Strooss zue):
    • e grössere Gwärbruum (mit ere Schmiidi und ere Metzgerei)
    • Thermopolium (Schnällimbiss)
    • vor dere Ladefront befindet sich e Süülehalle as Drottwar.
  • Brivatrüüm:

Litratuur[ändere | Quälltäxt bearbeite]

  • Jahresberichte aus Augst und Kaiseraugst. Amt für Museen u. Archäologie d. Kantons Basel-Landschaft, Liestal. Römermuseum Römerstadt Augusta Raurica, Augst 1.1980(1972-1975) - 4.1984(1978-1983); 5.1985ff.
  • Jahresbericht Römerhaus und Museum Augst. Römermuseum, Augst 1962-1972. ISSN 0259-8817
  • Forschungen in Augst. Schriftenreihe. bish. 36 Bd. Stiftung Pro Augusta Raurica. Römer-Museum, Augst-Basel 1.1977, 2.1975ff. (Übersicht über die äinzelne Bänd)
  • Ausgrabungen in Augst. 4 Bd. Stiftung Pro Augusta Raurica, Basel 1948ff.
  • Augster Museumshefte. bish. 32 Bd. Römermuseum, Augst 1.1976ff. (Übersicht über die äinzelne Bänd - äinzelni ISBN)
  • Teodora Tomasevic Buck: Augusta Raurica. Probleme, Anregungen und Neufunde. Bregenz 2003. ISBN 3-901802-13-4
  • Marion Benz: Augusta Raurica. Eine Entdeckungsreise durch die Zeit. In: Archäologie der Schweiz. (as.) Mitteilungsblatt. SGUF, Basel 26.2003, S. 2-84. ISSN 0255-9005

Lueg au[ändere | Quälltäxt bearbeite]

Weblingg[ändere | Quälltäxt bearbeite]

 Commons: Römermuseum Augst – Sammlig vo Multimediadateie

47.5340277777787.7214027777778Koordinate 47° 32′ 3″ N, 7° 43′ 17″ O; CH1903: 621293 / 264849