Präsidialrepublik

Us der alemannische Wikipedia, der freie Dialäkt-Enzyklopedy

E Präsidialrepublik isch e Staat, wo d Staatsform von ere Republik het und wo dr Präsident Staatsoberhaupt und gliichziitig Regierigscheft isch. Formal wird dr Präsident in ere Republik für e festgleiti Ziit gwehlt und si Macht isch von ere Verfassig oder dur Traditione begränzt.

E Diktatur isch kei Präsidialrepublik, au denn nit, wenn sich der Diktator as Präsident lot lo bezeichne oder e Parlament ernennt, wo vom ihm abhängig isch.

E typischi Präsidialrepublik isch d USA und au anderi Staate wie z. B Kenia hai es präsidentiells Regierigssystem. Frankriich het es semipräsidentiells Regierigssystem, wil s dört näben em mächtige Präsident au e Ministerpräsident git.

Republike, wo dr Präsident nit au no Regierigschef isch und wo s Staatsoberhaupt hauptsächlig repräsentativi Funktione usüebt, ghöre zu de parlamentarische Republike, wenn der Regierigschef under dr Kontrolle vom Parlament stoht. Bispil für das si Dütschland, Östriich und Italie.

Dä Artikel basiert uff ere fräie Übersetzig vum Artikel „Präsidialrepublik“ vu de dütsche Wikipedia. E Liste vu de Autore un Versione isch do z finde.