Bresidänt vum Dytsche Bundesdag
Dr Bresidänt vum Dytsche Bundesdag, au Bresidänt vum Bundesdag[1] oder Bundesdagsbresidänt gnännt[2][3][4], isch dr Bresidänt vum Barlemänt vu dr Bundesrepublik Dytschland. Är het noch em Inlandsprotokoll vu dr Bundesregierig s zwoothechscht Staatsamt.[5] Är isch au glychzytig dr Bresidänt vu dr Bundesversammlig. Amtsinhaberin isch zurzyt dr CDU-Bundesdagsabgordnete Julia Klöckner.
Wahl
[ändere | Quälltäxt bearbeite]Der Bundestagsbresidänt wird us dr Mitti vum Dytsche Bundesdag gwehlt. D Wahl erfolgt dur di Abgordneten in dr konschtituierende Sitzig vum nei gwehlte Barlemänt. Bis zue dr Wahl wird d Sitzig dur dr Altersbresidänt glaitet.
In dr Regle stellt d Fraktion mit dr maischten Abgordnete dr Bundesdagsbresidänt. Die Praxis het si scho in dr Weimarer Republik yyburgeret ghaa, s git aber kai gsetzligi Bstimmig doderzue. D Amtszyt vum Bundestagsbresidänt hert uf mit dr jewylige Legislaturperiod. Är isch dodermit grundsätzlig nit absetzbar. E Widerwahl isch megli, wänn dr bishärig Amtsinhaber wider Abgordnete vum neie Bundesdag isch.
S isch nit gängig, ass es bi dr Wahl zum Bresidänt zuen ere Kampfkandidatur chunnt. Nume noch eme zmolige Dod vum Hermann Ehlers anne 1954 het s en Uusnahm gee. Bi dr Wahl am 16. Novämber 1954 sin zwee Fraktionskollege gegenenander aadrätte: Gege dr offiziäll CDU/CSU-Kandidat Eugen Gerstenmaier isch dr Ernst Lemmer aadrätten un het erscht im dritte Wahlgang verlore.
Stellverdrätter
[ändere | Quälltäxt bearbeite]Dr Bundesdagsbresidänt het mehreri Stellverdrätter (Vizebresidänt vum Dytsche Bundesdag oder Bundestagsvizebresidänt), wu gängigerwys vu dr Fraktione gstellt wäre, wu im Bundesdag verdrätte sin. Dr Bundesdagsbresidänt un syni Stellverdrätter bilde s Bundesdagsbresidium.
Bis zum Aafang vu dr 13. Wahlperiod 1994 isch d Zahl vu dr Stellverdrätter in dr Gschäftsornig nit feschtglait gsii, syterhär mueß jedi Fraktion zmindescht ain Stellverdrätter haa.
Gsetzligi Grundlage
[ändere | Quälltäxt bearbeite]Gsetzligi Grundlag fir dr Bundesdagsbresidänt un syni Stellverdrätter isch Art. 40 Grundgsetz. Doderno wehlt dr Bundesdag sy Bresidänt un däm syni Stellverdrätter. Derzue git si dr Bundesdag e Gschäftsornig, wu syt eme Urdail vum Bundesverfassigsgricht vu 1952 no jedere Bundesdagswahl nei mueß erloo wäre.[6] In dr Praxis wird zmaischt di bishärig Gschäftsornig nei ufglait.
Ufgabe
[ändere | Quälltäxt bearbeite]Di wichtigscht Funktion vum Bundesdagsbresidänt isch d Laitig vu dr Bundesdagssitzige. Doderzue hockt er vorne uf em Podium im Plenarsaal vum Bundesdag. Dr Bundesdagsbresidänt verdritt dr Bundesdag un isch Adressat vu allne Gsetzentwirf un Vorlage, wu vu dr Bundesregierig, vum Bundesrot oder us em Bundesdag yybrocht wäre.
Derzue het dr Bundesdagsbresidänt s Huusrächt un d Bolizeigwalt iber d Bundesdagsbolizei. Är isch au di eberscht Dienschtbeherde vu dr Bundesdagsbeamte.
Rächt un Pflichte vum Bundesdagsbresidänt sin in dr Gschäftsornig greglet.
Dr Bundesdagsbresidänt isch au dr Empfänger vu dr Rächeschaftsbricht vu dr bolitische Byarteie, iberwacht d Yyhaltig vu dr Barteispändegsetz un reglet d Wahlkampfcheschtenerstattig.
Lischt vu dr Bresidänte
[ändere | Quälltäxt bearbeite]| Name | Lääbesdate | Bartei | Aafang vu dr Amtszyt | Ändi vu dr Amtszyt | Lengi vu dr Amtszyt | |
|---|---|---|---|---|---|---|
| 1 | Erich Köhler | 1892–1958 | CDU | 7. September 1949 | 18. Oktober 1950 | 1 Johr un 41 Däg |
| 2 | Hermann Ehlers | 1904–1954 | CDU | 19. Oktober 1950 | 29. Oktober 1954 | 4 Johr un 10 Däg |
| 3 | Eugen Gerstenmaier | 1906–1986 | CDU | 16. November 1954 | 31. Januar 1969 | 14 Johr un 76 Däg |
| 4 | Kai-Uwe von Hassel | 1913–1997 | CDU | 5. Februar 1969 | 13. Dezember 1972 | 3 Johr un 312 Däg |
| 5 | Annemarie Renger | 1919–2008 | SPD | 13. Dezember 1972 | 14. Dezember 1976 | 4 Johr un 1 Dag |
| 6 | Karl Carstens | 1914–1992 | CDU | 14. Dezember 1976 | 31. Mai 1979 | 2 Johr un 168 Däg |
| 7 | Richard Stücklen | 1916–2002 | CSU | 31. Mai 1979 | 29. März 1983 | 3 Johr un 302 Däg |
| 8 | Rainer Barzel | 1924–2006 | CDU | 29. März 1983 | 25. Oktober 1984 | 1 Johr un 210 Däg |
| 9 | Philipp Jenninger | 1932–2018 | CDU | 5. November 1984 | 11. November 1988 | 4 Johr un 6 Däg |
| 10 | Rita Süssmuth | 1937–2026 | CDU | 25. November 1988 | 26. Oktober 1998 | 9 Johr un 335 Däg |
| 11 | Wolfgang Thierse | * 1943 | SPD | 26. Oktober 1998 | 18. Oktober 2005 | 6 Johr un 357 Däg |
| 12 | Norbert Lammert | * 1948 | CDU | 18. Oktober 2005 | 24. Oktober 2017 | 11 Johr un 6 Däg |
| 13 | Wolfgang Schäuble | 1943–2023 | CDU | 24. Oktober 2017 | 26. Oktober 2021 | 4 Johr un 2 Däg |
| 14 | Bärbel Bas | * 1968 | SPD | 26. Oktober 2021 | 25. März 2025 | 3 Johr un 150 Däg |
| 15 | Julia Klöckner | * 1972 | CDU | 25. März 2025 | bisher 1 Johr un 20 Däg |
Literatur
[ändere | Quälltäxt bearbeite]- Michael F. Feldkamp (Hrsg.): Der Bundestagspräsident. Amt – Funktion – Person. 16. Wahlperiode. Olzog, München 2007, ISBN 978-3-7892-8201-0.
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ Art. 39 Grundgsetz vu dr Bundesrepublik Dytschland (GG)
- ↑ Präsidium des Deutschen Bundestages. Deutscher Bundestag, abgruefen am 28. November 2015.
- ↑ Die Bundestagspräsidenten Archivlink (Memento vom 5. April 2016 im Internet Archive). Abgerufen am 28. November 2015
- ↑ Das Präsidium des Deutschen Bundestages. (PDF; 5,4 MB) Deutscher Bundestag, S. 9, archiviert vom Original am 18. Juli 2011; abgruefen am 17. Juli 2009.
- ↑ Protokollarische Rangfragen. bmi.bund.de, 20. Juni 2008, abgruefen am 7. Dezember 2014.
- ↑ BVerfG, Urteil vom 6. März 1952, Az. 2 BvE 1/51, Vorlage:BVerfGE.
- ↑ BLICKPUNKT BUNDESTAG: Die Präsidenten des Deutschen Bundestages von 1949 bis 2005
 |
Dä Artikel basiert uff ere fräie Übersetzig vu dere Version vum Artikel „Präsident_des_Deutschen_Bundestages“ vu de dütsche Wikipedia. E Liste vu de Autore un Versione isch do z finde. |