D Filosofii vo dr Antike

S Antike Griecheland um 550 v. d. Z.

S Römische Riich um 117 n. d. Z.

D Filosofii vo dr Antike isch en Epoche in dr Gschicht vo dr Filosofii. Si isch mee as 1100 Joor lang, vo öbbe 600 v. d. Z. (as dr eltist Verdräter isch dr Thales 624 v. d. Z. uf d Wält choo) bis ins Joor 529 n. d. Z., wo dr römisch Kaiser Justinian I. die Platonischi Akademii het lo duedoo. D Filosoofe häi vor allem z Griecheland und im Römische Riich gschafft.

D Filosofii vo dr Antike isch geografisch uf e Middelmeerrum beschränggt gsi. Anderi wichdigi filosofischi Dradizione im Altertum si die Chinesischi Filosofii (sit 1000 v. d. Z.) und die Indischi Filosofii (sit 1000 v. d. Z.). Iiflussriich si d Kultur vom Juudedum gsi, vom alte Egüpte, vom Perserriich und vo Mesopotamie. In Öiropa het d Filosofii vom Middelalter d Filosofii vo dr Antike abglööst.

Mä cha d Filosoofe vo dr Antike grob in verschiideni Grubbe iidäile. Die, wo vor em Sokrates gläbt häi, bezäichnet mä as Vorsokratiker (öbbe vo 600 bis 400 v. d. Z.). Si häi brobiert, s Wältbild, wo denn no vo Müüthe und Götter brägt gsi isch, mit Hilf vo dr Filosofii und dr Naturwüsseschaft z erklääre. Mit em Sokrates foot die Griechischi Klassik aa (öbbe 500 bis 300 v. d. Z.). Zu sällere Zit isch Athen s gäistige Zentrum vo Griecheland gsi, im Sokrates si Schüeler, dr Platon, und däm si Schüeler Aristoteles si zwäi vo de wichdigste Filosoofe, wo bis hüte Iifluss häi. Zur Klassik cha mä au d Sofiste, d Küniker mit iirem bekanntiste Verdräter, em Diogenes vo Sinope, d Epikureer, d Kyrenaiker und d Stoiker zelle. Noch dr Klassik si die hellenistischi Zit und denn d Spootantike, wo iiri äignige filosofische Schuele ghaa häi: die hellenistischi Stoa und dr Epikureismus und dr spootantiki Nöiplatonismus, wo s Dängge vo de Chilleväter beiiflusst het.

Litratuur

Iifüerige

• Julia Annas: Kurze Einführung in die antike Philosophie. Vandenhoeck & Ruprecht, Göttinge 2009, ISBN 978-3-525-03327-2
• Carl-Friedrich Geyer: Philosophie der Antike. Eine Einführung. 4. Uflaag, Primus, Darmstadt 1996, ISBN 3-89678-305-X
• Klaus Held: Treffpunkt Platon. Philosophischer Reiseführer durch die Länder des Mittelmeers. 3. Uflaag, Reclam, Stuttgart 2001, ISBN 3-15-010479-3
• Wiebrecht Ries: Die Philosophie der Antike. Wissenschaftliche Buchgesellschaft, Darmstadt 2005, ISBN 3-534-17480-1
• Christopher Shields (Hrsg.): The Blackwell Guide to Ancient Philosophy. Blackwell, Malden (Mass.) und Berlin 2003, ISBN 0-631-22214-6

Gsamtdaarstellige

• Hellmut Flashar u. a. (Hrsg.): Grundriss der Geschichte der Philosophie. Die Philosophie der Antike. Schwabe, Basel 1983 ff.; scho erschiine:
  • Band 1: Frühgriechische Philosophie, 2 Halbbänd, 2013, ISBN 978-3-7965-2598-8
  • Band 2/1: Sophistik, Sokrates, Sokratik, Mathematik, Medizin, 1998, ISBN 3-7965-1036-1
  • Band 2/2: Michael Erler: Platon, 2007, ISBN 978-3-7965-2237-6
  • Band 3: Ältere Akademie, Aristoteles, Peripatos, 2., erwitereti Uflaag, 2004, ISBN 3-7965-1998-9
  • Band 4: Die Hellenistische Philosophie, 2 Halbbänd, 1994, ISBN 3-7965-0930-4
• William Keith Chambers Guthrie: History of Greek Philosophy. 6 Bänd, Cambridge University Press, Cambridge 1962–1981
• Terence Irwin: Classical Thought. Oxford University Press, Oxford 1989, ISBN 0-19-289177-4
• Friedo Ricken: Philosophie der Antike. 3. Uflaag, Kohlhammer, Stuttgart u. a. 2000, ISBN 3-17-016084-2

Weblingg

• David Sedley: Ancient Philosophy, in: E. Craig (Hg.): Routledge Encyclopedia of Philosophy, London 1998.
• Melissa Lane: „Ancient Political Philosophy“ in dr Stanford Encyclopedia of Philosophy (änglisch, mit Literaturaagabe)
• Jaap Mansfeld: „Doxography of Ancient Philosophy“ in dr Stanford Encyclopedia of Philosophy (änglisch, mit Literaturaagabe)
• Richard Parry: „Ancient Ethical Theory“ in dr Stanford Encyclopedia of Philosophy (änglisch, mit Literaturaagabe)
• buecherei.philo.at/ – Internetquellen zur Philosophie der Antike
• epistemelinks.com – Internetkwelle zur Filosofii vo dr Antike (änglisch)
• GANPH – Gesellschaft für antike Philosophie e. V.
• Liste der Philosophen in: Richard Goulet et al. (Hg.): Dictionnaire des philosophes antiques, 5 Bde., CNRS Editions 1989–2005
• Martine Vidoni: Répertoire des sources philosophiques antiques, CNRS 2007
• Werner Jaeger: The Theology of the Early Greek Philosophers (Gifford Lectures 1936–1937), Oxford: Clarendon 1947.