Peter Fiedler

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Peter Fiedler (* 29. Augschte 1940 z Mariaschein, Nordböhme; † 2. Novämber 2009) isch e dytsche Theolog gsii.

Studium un Beruef[ändere | Quälltäxt bearbeite]

Dr Peter Fiedler het z Münche un z Fryybeg Latyynisch, Griechisch un Katholischi Theologi studiert. Anne 1968 het er bim Anton Vögtle im Fach Neis Teschtamätn mit dr Arbet Die Formel „und siehe“ im Neuen Testament zum Dr. theol. promoviert. Är het derno as Assischtänt bim Vögtle gschafft un 1976 mit dr Arbet Jesus und die Sünder habilitiert.

Ab 1979 isch er Brofässer an dr Pädagogische Hochschuel z Löörech gsii, ab 1982 Brofässer an dr Pädagogische Hochschuel Ludisburg un syt 1991 Brofässer an dr Pädagogische Hochschuel Fryybeg.

Forschig[ändere | Quälltäxt bearbeite]

Dr Fiedler het sich vor allem um d Verständigung vu Jude un Chrischte bemiet un het sich mit ere historisch-kritische Exegese vu dr neiteschtamäntlige Schrifte bschäftigt, vor allem mit Blick uf anti-jidischi Passasche im Neie Teschtamänt. Är het dr jidisch-chrischtlige Verständigung un dr Religionspädagogik wichtigi Impuls chenne gee, vor allem doderdur ass er draditionälli anti-jidischi Darstelligstendänze in Schuelbiecher fir dr Religionsunterricht un in Chinderbible identifiziert.

Läbe[ändere | Quälltäxt bearbeite]

Dr Fiedler isch syt dr frieje 1970er Johr z Obfige gwohnt un het mit syyre Frau Ursula vier Chinder ghaa.

Wärch[ändere | Quälltäxt bearbeite]

  • Die Formel „und siehe“ im Neuen Testament, (StANT 20). München 1969
  • Jesus und die Sünder, (BET 3). Frankfurt und Bern 1976
  • Das Judentum im katholischen Religionsunterricht. Analysen - Bewertungen Perspektiven (Lernprozeß Christen Juden, 1). Düsseldorf 1980


E vollständigi Bibliografi vu dr Schrifte vum Fiedler git s in:

  • Reinhard Wunderlich und Bernd Feininger (Hrsg.): Übergänge - Studien zur Ev. und Kath. Theologie/ Religionspädagogik. Band 7: Variationen des Christseins - Wege durch die Kirchengeschichte. Frankfurt am Main 2006, S. 417 ff.

Weblink[ändere | Quälltäxt bearbeite]