Otto Mangold

Dr Otto August Mangold (* 6. Novämber 1891 z Auenstein; † 2. Juuli 1962 z Holgebeäg) isch e dytsche Zooloog gsii.

Lääbe

Dr Mangold het an dr Uniwersiteete Dibenga, Rostock un Fryburg Natuurwisseschafte (bsundersch Zoology) studiert. In dr Zyt vu sym Stuudium isch er Mitgliid vu dr Burschenschaft Palatia Tübingen im ADB woore.^[1] Anne 1919 isch er bim Hans Spemann zum Dr. phil. bromewiert woore, derno isch er sällem sy wisseschaftlige Assischtänt woore.

Dr Mangold isch ab 1923 as Brivaatdozänt Laiter vu dr Abdailig Entwickligsfisiology am Chaiser-Wilhelm-Inschtitut fir Biology z Berlin gsii. Ab 1924 isch er Brivaatdozänt, ab 1929 usseroordelige Brofässer fir Zoology an dr Uniwersiteet Berlin gsii.

Ab 1933 isch er Ordinarius fir Zoology un verglyychendi Anatomy an dr Uniwersiteet Erlangen gsii. Dr Mangold isch anne 1934 em NS-Leererbund byydrätte un isch 1935 drotz dr Ufnaamspeeri in d NSDAP yydrätte, dr nazionaalsozialistisch Uniwersiteetsräkter Fritz Specht het dooderzue iber iin gschriibe: „Für eine nationalsozialistische Hochschule begehrenswert“.^[2] Im nämlige Joor isch dr Mangold au Mitgliid vum NS-Dozäntebund un vum NS-Altherrebund woore.^[2]

Vu 1937 bis 1945 isch dr Mangold as Noofolger vum Hans Spemann usseroordelige Brofässer fir Zoology an dr Uniwersiteet Fryburg gsii, deert isch er vu 1938 bis 1940 au Räkter gsii. Am 27. Juli 1942 het er, unter anderem zämme mit em Hermann Weber, en Brief an d Ryychskanzlei unterschriibe, wu dr Voorstand alli staatlige Maaßnaame gege d Juude wäg „der ungeheuren Schärfe des Kampfes des Judentums gegen das deutsche Volk“ billigt het.^[2] Im Joor 1940isch erzum Mitgliid vu dr Leopoldina gweelt woore. Anne 1942 isch er Bresidänt vu dr Dytsche Zooloogische Gsellschaft gsii.

Anne 1945 isch dr Mangold z Fryburg entloo woore un het en Leerverbot iiberchuu. Ab 1946 isch er Mitgrinder un Laiter vu dr entwickligsfisioloogiosche Abdailig un Diräkter vum Holgebeäg-Inschtitut fir Experimentälli Biology z Holgebeäg (Baade) gsii, eme Inschtitut, wu unter dr Schiirmheerschaft vum Fiirschtehuus Fiirschtebäärg yygriichtet wooren isch. Anne 1953 isch er as Brofässer emeritiert woore.

Dr Mangold het vor allem zum Broblääm vu dr Determinazioon vu embrionaale Zälle gfoorscht. Mit Untersuechige an Amfibie het er chenne widerleege, ass d Chyymbletter vum Wiirbeldierembria fescht determiniert sin. Är het au zum Broblääm vu dr Bilateraalsimmetry un dr Entwicklig vu Chopforgaan un Häärz gfoorscht.

Är isch mit dr Hilde Pröscholdt ghyroote gsii, ere änge Mitarbaiteri vum Hans Spemann un Mitentdeckeri vum Spemann-Organisaater.

D Gsellschaft fir Entwickligsbiology het bis anne 2009 fir bsunderi Verdienscht uf däm Fachbiet dr Otto-Mangold-Bryys vergee.

Uusglääseni Schrifte

Hans Spemann. Ein Meister der Entwicklungsphysiologie. Sein Leben und sein Werk. In: Große Naturforscher. Band 11. Wissenschaftliche Verlagsgesellschaft, Stuttgart 1953.
Hans Spemann. Der Erfinder der embryonalen Mikrochirurgie, ein Meister der Entwicklungsphysiologie. In: Forscher und Wissenschaftler im heutigen Europa. 2. Mediziner, Biologen, Anthropologen. Hgg. Hans Schwerte & Wilhelm Spengler. Reihe: Gestalter unserer Zeit Bd. 4. Stalling, Oldenburg 1955, S. 228–236.

Literatur

Peter E. Fäßler un Klaus Sander: Hilde Mangold (1898-1924) and Spemanns's organizer:achievement and tragedy. Landmarks in developmental biology 21. In: Roux's archives of developmental biology 205:323-332. 1995/96.
Michael Grüttner: Biographisches Lexikon zur nationalsozialistischen Wissenschaftspolitik (= Studien zur Wissenschafts- und Universitätsgeschichte. Band 6). Synchron, Heidelberg 2004, ISBN 3-935025-68-8, S. 113.
Bernd Grün: Nach Heidegger: Die Rektorate von Eduard Kern, Friedrich Metz und Otto Mangold (1934-1940). In: 550 Jahre Albert-Ludwigs-Universität Freiburg. – Orig.-Ausg. – 3. – Freiburg [u. a.], 2007. – S. 410–430
Bernd Grün: Der Rektor als Führer? Die Universität Freiburg i. Br. von 1933 bis 1945, Freiburg/München 2010, S. 477–525, 686–703. Zugleich: Dissertation Universität Freiburg 2006: Die Rektoren der Universität Freiburg i.Br. in der Zeit des Nationalsozialismus. ISBN 978-3-495-49607-7

Weblink

Literatur vu un iber Otto Mangold im Katalog vu dr Dütsche Nazionalbibliothek

Fueßnote

↑ Georg Schwartzer (Hrsg.): Adreßbuch des Allgemeinen Deutschen Burschenbundes. Stand vom 1. August 1919, Max Schlutius, Magdeburg 1919, S. 96
↑ ^2,0 ^2,1 ^2,2 Ernst Klee: Das Personenlexikon zum Dritten Reich. Wer war was vor und nach 1945. Fischer Taschenbuch Verlag, Zweite aktualisierte Auflage, Frankfurt am Main 2005, ISBN 978-3-596-16048-8, S. 389.

Dä Artikel basiert uff ere fräie Übersetzig vu dere Version vum Artikel „Otto_Mangold“ vu de dütsche Wikipedia. E Liste vu de Autore un Versione isch do z finde.

[1] Georg Schwartzer (Hrsg.): Adreßbuch des Allgemeinen Deutschen Burschenbundes. Stand vom 1. August 1919, Max Schlutius, Magdeburg 1919, S. 96

[Klee389-2] 2,0 ^2,1 ^2,2 Ernst Klee: Das Personenlexikon zum Dritten Reich. Wer war was vor und nach 1945. Fischer Taschenbuch Verlag, Zweite aktualisierte Auflage, Frankfurt am Main 2005, ISBN 978-3-596-16048-8, S. 389.

[1]

[2]