Oberzentrum

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Oberzentrum heißt in dr Ruumornig und dr Wirtschaftsgeografii e zentrale Ort vo dr höggste Stuefe noch em System vo de zentrale Ort vom dütsche Geograf Walter Christaller. Dr Begriff wird in dr Schwiz kuum brucht.

Definizion[ändere | Quälltäxt bearbeite]

Mä definiert d Oberzentre und die übrige zentrale Ort in de Blään und Brogramm vo dr Land- und Regionalblaanig und jedes Bundesland het siini äigene Kriterie. Um en Oberzentrum ume het s im Allgemäine mehreri Mittelzentre, und um die ume git s Underzentre. Näben em Grundbedaarf und em periodische Bedaarf cha im ene Oberzentrum au dr spezifisch Bedaarf deckt wärde. Das umfasst näben em Infrastruktur- und Dienstleistigsaagebot in de Under- und Middelzentre bsundrigs:

Die genaui Funktione, won es Oberzentre sött haa, wird vo Bundesland zu Bundesland underschiidlig definiert, und es git au Abstuefige. So git s Oberzentre uf höggster Stuefe und uf niidriger Stuefe. Zum Bischbil si Köln und Düsseldorf in Nordrhii-Westfale Oberzentre vo dr höggste Stuefe, während zum Bischbil Krefeld en Oberzentrum vo dr niidrigste Stuefe isch. Es git au Middelzentre, wo däilwiis d Funktion vom ene Oberzentrum hai, aber nume e Däil vo dr Usstattig hai. Doppelzentre und Stadtverbünd, wo d Stedt wo drzue ghööre sich gegesitig ergänze, chönne zäme en Oberzentrum usmache.