Unterzentrum

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Unterzèntrum, Grundzèntrum odder Chlyzèntrum isch èn Begriff uss dè Ruumordnung un Wǜrtschaftsgeography. Er bezeichnèt èn zentralè Ort uff dè unterè Stufè nõch èm Sischteem vo dè Zentralè Ört, wo im wesèntlichè uff dè dütsch Geograf Walter Christaller (1893–1969) zrugggòt.

È Unterzèntrum diènt dè Grundvosorgig vo dè Iiwooner uss èm Umland. S sött è gwissi Vylfalt a zentralè Yrichtungè uffwysè, zum Byschpill:

  • Grundschuèl un witterfüürendi Schuèlè
  • Sportaalaagè
  • Arzt- un Zahnarztpraxè
  • Arbètsblätz
  • Gmeinds- odder Amtsvowaltig
  • Poscht
  • Bank
  • Apotheek
  • Supermarkt, Tankschtell usw.

Periodischi, übber dè dägliche Bedarf usègehendi Warè un Diènschtleischtungè stôn im nägschstè Mittelzèntrum zur Vofüègung, z.B. è Krankèhuus; bsunderi Aagebot für dè spezifische Bedarf sin dègegè im nägschstè Obberzèntrum z erreichè, z.B. è Universitätsklinik. Nõch sellèrè theoretischè Struktur sin Wägschtreggè i s nägschstglegeni Unterzèntrum wòrschinlich chürzer wiè d Entfèrnung zum nägschstè Obberzèntrum. Anderscht ummè aagluègt isch dè Umchrais von èm Unterzèntrum vill chlyner wiè s Yzugsgebièt von èm Obberzèntrum.

D Begriff Unter-, Grund- un Chlyzèntrum chönnèd mit abwychendè Definitionè Vowendung findè. So vowendet d Bundesländer für iri Raumordnung kei einheitlichi Terminology.

Weblingg[ändere | Quälltäxt bearbeite]

Einzelnõchwys[ändere | Quälltäxt bearbeite]


Information icon.svg Dä Artikel basiert uff ere fräie Übersetzig vum Artikel „Unterzentrum“ vu de dütsche Wikipedia.

E Liste vu de Autore un Versione isch do z finde.