Nubya
D Nubya (* 18. Jänner 1974 z Baasel) isch e Schwyzer Sängeri.
Ire Musikstil gheert zum R'n'B, Jazz, Soul un Pop. Ire Chinschtlername isch no ire aigene Uussaag e Fantasyname, isch aber abglaitet vu dr Nubier, eme Volk z Sudan un z Egypte.
Lääbe
[ändere | Quälltäxt bearbeite]D Nubya isch d Doochter vun eme Nigerianer un ere Schwyzeri. Di eerschte zwai Joor het d Nubya z Nigeria gläbt, voreb si in d Schwyz chuu isch. Im Alter vu sibe Joor het si mit klassischem Klavierunterriicht aagfange, het aber 1990 dermit ufgheert un het Gsangsunterriicht gnuu. No dr Matura am Gimnasium am Minschterplatz in ire Haimetstadt het si ai Joor an dr New School for Social Research z New York Jazzmusik studiert, ischpiriert vum Jazzmusiker Chester Gill, wu z Baasel gläbt het. No dr Ruggcheer uf Baasel het si an dr Universideet Baasel Wiirtschaft studiert.
Anne 1996 het si dr renommiert Muusiker Bo Katzman Backstage bi me Kunzärt vum DJ Bobo chännegleert, dodruf het er si as Special Guest fir syni Gospeltour mitgnuu. No het si au no anderi Ufdritt as Background-Sängeri u. a. vu dr Céline Dion ghaa. E Hegschtpunkt isch gfir sii, wu si im Voorprogramm vu dr Whitney Houston voor 12'000 Lyt im Zürcher Hallestadion ufdrätten isch. Chuurz druf het si d Fäärnseesändig «Cinderella» uf em Schwyzer Privaatsänder TV3 moderiert. 2002 isch ire Album My Wish uusechuu, dodruf het si mit ire Band Kunzärt in dr Schwyz, z Dytschland un z Brasilie gee. 2005 isch ire dytschsproochig Album Auf meine Weise erschiine, wu vum Götz von Sydow produziert woren isch. Anne 2005 isch si mit Night of the Proms dur Dytschland tourt. 2007 isch ire Album Love Rocks uusechuu, 2011 Today. Anne 2019 het si dr Circus Knie in syre 100-Joor-Jubiläums-Tour beglaitet.[1]
D Nubya isch vu Mai 2003 bis aagfangs Mai 2008 mit em Hartmut Engler liiert gsii, em Sänger vu dr Band Pur. Syter 2018 isch si ghyroote mit em Bankier Johannes Barth.[2]
Diskografy
[ändere | Quälltäxt bearbeite]Albe
[ändere | Quälltäxt bearbeite]- From The Bottom Of My Heart (1999)
- My Wish (2002)
- Auf meine Weise (2005)
- Love Rocks (2007)
- Today (2011)
Single
[ändere | Quälltäxt bearbeite]- I'm Dreaming (1997)
- Future For Us (1997)
- Just For You Duett mit Al Walser (1999)
- From The Bottom Of My Heart (2002)
- Do You Really Love Me (2002)
- Morgen ganz bestimmt (2005)
- Es ist so (2005)
- Warten auf ein Wunder (2007)
- Power of No (2011)
Weblink
[ändere | Quälltäxt bearbeite]- Websyte vu dr Nubya
- Nubya in dr Internet Movie Database
- Vorlage:Laut
- Back to the Roots. Video-Dokumentation vum Schwyzer Fäärnsee vum 28. Juli 2010 (17 min)
Fueßnote
[ändere | Quälltäxt bearbeite]- ↑ Michel Imhof: Sängerin Nubya über ihr Tournee-Leben mit dem Circus Knie: «Ich war gar kein Campingfreund» Blick.ch, 28. April 2019.
- ↑ André Häfliger: Johannes Barth: «Nubya ist meine Traumfrau». Schweizer Illustrierte, 18. Augschte 2018.
|
Dä Artikel basiert uff ere fräie Übersetzig vu dere Version vum Artikel „Nubya“ vu de dütsche Wikipedia. E Liste vu de Autore un Versione isch do z finde. |