Nicole Hoffmeister-Kraut
| Dialäkt: Undermarkgreflerisch |
Nicole Hoffmeister-Kraut (* 9. Oktober 1972 z Balenga) isch e dytschi Bolitikeri (CDU). Si isch Abgordneti im Landtag vu Bade-Wirttebärg un syt Mai 2016 Landesminischteri fir Wirtschaft, Arbet un Wohnigsböu.
Uusbildig un Beruef
[ändere | Quälltäxt bearbeite]Noch em Abitur am Gymnasium Balenga het d Hoffmeister-Kraut ab 1992 an dr Universitet Dibenga BWL studiert. Si het as Diplom-Chauffrau abgschlosse un 2001 an dr Universitet Würzburg mit dr Dissertation Unternehmensanalyse in mittelständischen Industrieunternehmen. Konzepte – Methoden – Instrumente promowiert.
2001 bis 2002 isch si Praktikanti bi dr Investmentbank Morgan Stanley z London gsii, derno bis 2005 Beroteri im Beraich Mergers & Acquisitions bi Ernst & Young z London[1] un Frankfurt.
D Hoffmeister-Kraut isch syter anne 1998 Gsellschafteri un syt 2014 Mitglid vum Ufsichtsrot vu dr Bizerba GmbH & Co. KG, wu im Basitz vu dr Grinderfamilie Kraut isch.[2]
Bolitischi Laufbahn
[ändere | Quälltäxt bearbeite]D Hoffmeister-Kraut isch 2009 in d CDU yydrätten un isch im nämlige Johr Mitglid vum Gmairot vu dr Stadt Balenga wore. Syt 2014 isch si Mitglid im Chraisdag vum Zollrealbchrais.
Im Vorfäld vu dr Landdagswahl z Bade-Wirttebärg 2016 isch d Hoffmeister-Kraut im Juli 2015 erscht im dritte Wahlgang mit 2,8 Brozäntpinkt as CDU-Kandidati fir dr Wahlchrais Balenga nominiert wore.[3] Bi dr Landdagswahl dälber het si s Erschtmandat knapp mit 311 Stimme Vorsprung (0,4 Brozäntpinkt) gegeniber em Kandidat vu Bindnis 90/Di Griene gwunne.[4] Am 10. Mai isch d Hoffmeister-Kraut as iberraschend Wirtschaftsminischteri vum neie Kabinett vum Winfried Kretschmann bekannt gee.[5]
Sunschtigs
[ändere | Quälltäxt bearbeite]D Hoffmeister-Kraut engaschiert si as Elterebyrotsvorsitzeriam Gymnasium Balenga, im Ferderverain Sichelschuel Balenga, as Chilchegmaireti vu dr evangelische Gsamtgmai Balenga un im Byrot vu dr Balenger Dafele.
Privatläbe
[ändere | Quälltäxt bearbeite]D Hoffmeister-Kraut isch ghyrote, het drei Dechtere un wohnt z Balenga.
Weblink
[ändere | Quälltäxt bearbeite]- Websyte vu dr Nicole Hoffmeister-Kraut
- Abgordneteprofil bim Landdag Bade-Wirttebärg in dr 16. Wahlperiod
Fueßnote
[ändere | Quälltäxt bearbeite]- ↑ Beck-Shop Fachbuchverlag: Unternehmensanalyse in mittelständischen Industrieunternehmen, abgruefen am 26. Merz 2016
- ↑ Bizerba: Über Bizerba Deutschland, abgruefen am 26. Merz 2016
- ↑ Hohenzollerische Zeitung: CDU nominiert Nicole Hoffmeister-Kraut Archivlink (Memento vom 23. Juni 2016 im Internet Archive), abgruefen am 10. Mai 2016.
- ↑ Statistisches Landesamt Baden-Württemberg: Wahl zum 16. Landtag von Baden-Württemberg am 13. März 2016 - Vorläufige Ergebnisse (Memento vom 25. März 2016 im Internet Archive), abgruefen am 25. Merz 2016. (PDF)
- ↑ Stuttgarter Nachrichten: Nicole Hoffmeister-Kraut wird Wirtschaftsministerin, abgruefen am 10. Mai 2016.
|
Dä Artikel basiert uff ere fräie Übersetzig vu dere Version vum Artikel „Nicole_Hoffmeister-Kraut“ vu de dütsche Wikipedia. E Liste vu de Autore un Versione isch do z finde. |