Neuromantik

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dr Pena Balast z Sintra, Bortugal, e Bischbil für die nöiromantischi Archidekduur

Dr Begriff Nöiromantik oder au Neoromantik bezäichnet verschidnigi Ströömige in dr Filosofii, Litratuur , Muusig, Moolerei und Archidekduur, aber au soziali Beweegige, wo noch dr Romantik ufchoo si, aber iiri Ideä hoochghalte häi. D Muusig vom Richard Wagner, wo im spoote 19. Joorhundert gschriibe und komponiert het, isch vom Berliner Musikolog Carl Dahlhaus as e spoote Blüete vo dr Romantik im ene positiwistische Zitalter beschriibe worde.

Die esthetischi Filosofie vom Arthur Schopenhauer und vom Friedrich Nietzsche häi d Nöiromantik stark beiiflusst. Zu de Nöiromantiker zelt mä Autore, Komponiste und Mooler, wo dr Realismus, dr Naturalismus aber au die spööteri Modärne abgleent häi, wo dr Richard Strauss und dr Gustav Mahler musikalischi Verdräter von ere si.

Zu de nöiromantische Ströömige in dr Kunst zelt mä under anderem dr Sümbolismus, dr Ästhetizismus, s britischi Arts and Crafts Movement, die nöigotischi Archidektuur und dr Pictorialismus in dr Fotigrafii, zu de gsellschaftlige Beweegige ghööre under anderem dr dütschi Wandervogel und dr utopisch Sozialismus.

Information icon.svg Dä Artikel basiert uff ere fräie Übersetzig vum Artikel „Neo-romanticism“ vu de änglische Wikipedia.

E Liste vu de Autore un Versione isch do z finde.