Neui Kantonsschuel Aarau

Neui Kantonsschuel Aarau
Schueltyp	Kantonsschuel (Gymnasiom)
Gründigsjohr	1979
Adräss	Schanzmättelistrasse 32
Ort	Aarau
Kanton	Aargau
Staat	Schweiz
Koordinate	645737 / 248584Koordinate: 47° 23′ 11″ N, 8° 2′ 40″ O; CH1903: 645737 / 248584
Schüelerzahl	900
Lehrerzahl	143
Website	www.nksa.ch

Di Neui Kantonsschuel Aarau (NKSA) esch en öffentlechi Mettelschuel z Aarau. Si bestoht us enere Maturitäts- ond ere Fachmettelschuel. D NKSA werd vo öber 900 Schüelerinne ond Schüeler bsuecht.

Set de 1970er Johr ond de Ifüehrig vo de gymnasiale Strukture het d Schuel Kantonsschuel Zälgli gheisse. Wo sech i de 1980er Johr s andere Gymnasium z Aarau i Alti Kantonsschuel Aarau omtauft het, het d Kantonsschuel Zälgli ere Name us Symmetrigrönd of Neui Kantonschuel Aarau gwächslet.^[3]

Gschecht

1787 esch z Aarau es privats Töchtereinschtitut gröndet worde. D Schuel esch aber nach es paar Johr weder zuegange ond de 1822 formell neu gröndet worde. Sid 1935 het men ere Töchterschuel gseit, 1989 esch si zonere Diplommettelschuel omgwandlet worde, bes si nach de Johrtuusigwändi zo de Fachmettelschuel usboue worde esch.

De gymnasiali Lehrgang goht bes is Johr 1873 zrogg, wo es Lehrerinneseminar gröndet worde esch. 1911 esch das verschtaatlecht worde. Wägem Lehrermangel vo de 1960er Johr esch en Zwiigschuel z Zofige ufgange, die het sech aber schnäll versälbschtschtändiget. Ab 1976 esch d Lehrerbeldig a di neu gröndeti HPL (Höcheri Pädagogischi Lehraschtalt) of Zofige öberfüehrt worde. Di gliichzitig ufbouti Kantonsschuel het zersch d Type D (neusprochlech) ond PSG (pädagogisch-sozials Gymnasiom) omfasst, wo aber 2002 vollständig dor di eidgenössische Maturitätsklasse ersetzt worde send.^[4] 2010 het d NKSA de Schuelpriis vo de Wösseschaftsolympiade öbercho.

Archidektur

De 1955 igweiti Altbou im Zälgliquartier esch vo de Gebrüeder Oeschger plant worde. Er esch aber glii z chli gsi, und drom esch 1989 de modärn Neubou vo den Architekte Barth und Zaugg ufgange.

Bekannti Persone

Ehemoligi Lehrchräft:

Ehemoligi Schüeler/Schüelerinne:

Literatur

Hodler, Beat: Junge Schule, lange Geschichte. Die Neue Kantonsschule Aarau. Baden 2014, ISBN 978-3-03919-329-5.

Weblinks

Commons: Neui Kantonsschuel Aarau – Sammlig vo Multimediadateie

Fuessnote

↑ http://nksa.ch/nksa/zahlen/
↑ Ebd.
↑ Lueg im Protokoll vo de Lehrerkonferänze vo 1988 im Archiv vo de Neue Kantonsschuel Aarau.
↑ Vgl. dezue Christian Lerch, Patrick Zehnder, Manuel Pörtner (Hgg.), In 200 Jahren von 1 auf 7. Die Aargauer Kantonsschulen, Aarau 2002.

[1] ttp://nksa.ch/nksa/zahlen/

[2] Ebd.

[3] Lueg im Protokoll vo de Lehrerkonferänze vo 1988 im Archiv vo de Neue Kantonsschuel Aarau.

[4] Vgl. dezue Christian Lerch, Patrick Zehnder, Manuel Pörtner (Hgg.), In 200 Jahren von 1 auf 7. Die Aargauer Kantonsschulen, Aarau 2002.

[1]

[2]

[3]

[4]