Nese Erikli

Dialäkt: Undermarkgreflerisch

d Nese Erikli (2013)

D Nese Erikli (* 19. Juli 1981 z Haalbrunn) isch e dytschi Bolitikeri (Bindnis 90/Di Griene). Syter anne 2016 isch si Mitglid vum Landdag vu Bade-Wirttebärg.

Lääbe

D Nese Erikli isch as jingschts vu sechs Chinder z Haalbrunn uf d Wält chuu. Ihri Eltere stammen us dr Dirkei. No dr Grundschuel isch si zerscht uf Hauptschuel gange, isch speter uf d Realschuel gwächslet un schließli uf e Wirtschaftsgimnasium, wu si s Abitur. Anne 2002 het si di dytsch Staatsaagherigkait aagnuu un doderfir di dirkisch ufgee.

No dr Schuel het si an dr Universitete Konschtanz un Linz Jura studiert. Um die Zyt het si au as Projäktlaiteri im Stiftungsmanagement fir s Blau Chryz z Züri gschafft.

Syter anne 2002 läbt d Erikli z Konschtanz.

Bolitik

Zyter anne 2000 isch d Erikli Mitglid bi dr Griene. Vu 2011 bis 2017 isch si Mitglid vum Chraisvorstand dr Konschtantzer Griene gsii. Vu 2013 bis 2016 isch si Sprächeri vu dr griene Landesarbetsgmainschaft Demokraty, Rächt un Inneri Sicherhait gsii.

Bi dr Bundesdagswahl 2013 het si Bundesdagswahlchrais Konschtanz kandidiert un 20,6 Brozänt vu dr Stimme iberchuu.

Bi dr Landdagswahl 2016 het d Nese Erikli im Landdagswahlchrais Konschtanz kandidiert un mit 39,6 Brozänt s Erschtmandat gwunne, s bescht Ergebnis, wu di Griene im Wahlchrais bishär iberchuu hän.

Im Landdag isch d Nese Erikli Mitglid im Ständige Uusschuss un im Uusschuss fir Wisseschaft, Forschig un Chunscht un au Mitglid im Untersuechigsuusschuss Zulagen Ludwigsburg, derzue isch si stellverdrättend Mitglid im Uusschuss fir Inners, Digitalisierig un Migration, im Uusschuss fir Umwält, Klima un Energywirtschaft, im Uusschuss fir Wirtschaft, Arbet un Wohnigsböu, im Uusschuss fir Sozials un Integration un im Untersuechigsuusschuss Rechtsterrorismus/NSU BW II.

In ihre Fraktion isch si Sprächeri fir Forschigsbolitik un fir Burgerbedailigung un Demokraty, derzue isch si stellverdrättendi Vorsitzeri vum Fraktionsarbetschrais fir Wisseschaft, Forschig un Chunscht.

Sunschtigs Engaschmänt

• Mitglid im Ufsichtsrot vu dr Bade-Wirttebärg Stiftig (syt 2016)
• Mitglid bi dr Höri Musikdäg Bodesee
• Mitglid im Naturschutzbund Dytschland
• Mitglid im Bund fir Umwält un Naturschutz Dytschland
• Mitglid in dr Arbetsgmainschaft kommunals Kino Konschtanz – Zebra Kino e. V.
• Mitglid in dr Große Konschtanzer Narregsellschaft Niederburg 1884 e. V.
• Mitglid im Dytsche Mieterbund Bodesee e. V.
• Mitglid im Verchehrsclub Dytschland (VCD) e. V.

Weblink

 Commons: Nese Erikli – Sammlig vo Multimediadateie

• Websyte vu dr Nese Erikli
• Abgordneteprofil bim Landdag Bade-Wirttebärg in dr 16. Wahlperiod