Nazaret

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Nazaret isch e Stadt im Norde vo Israel.

D Stadt lyt i dr alte Landschaft Galiläa. Sid dr antike Zyt isch es e Sidlig vo Jude und vo arabischi Chrischte gsi.

Nazaret het öppe 75'000 Ywooner, und s nöje Kwartier Nazaret-Illit, was uf düütsch Ober-Nazaret heisst, no öpe 40'000 drzue. I däm Stadtdeil, wo ane 1957 ggründet worden isch, läbe hüt vor allem Jude.

Es git verschideni Vermuetige, was der Ortsname ursprünglech bedütet het; er chönt vom hebräische ne·ṣer cho, wo uf düütsch Zweig heisst; das het vilech mid emene Stamm vom Volch Israel z tue. En anderi Theory seit, d Wurzle wäär na·ṣar, wo Wacht oder Wachdurm heisst.

Für d Chrischte isch Nazaret legendär als Heimetort vom Jesus. I de Evangelie vo dr Bible – wo die erschti schriftlechi Kwelle mit em Ortsname vo Nazaret sind – wird verzellt, ass dört s Huus vo sym Vatter Josef und synere Muetter Maria gsi isch. Es gitt archäologischi Fund, wo zeige, ass d Sidlig i dr biblische Zyt es chlyses Dorf gsi isch. Dr Ärzängel Gabriel sig uf Nazaret choo, heisst’s i dr Bible, und heig dr Maria verchündet, si wärdi d Muetter vom Erlöser. A dere Stell, wo me dänkt ass s Huus vo dr Maria gstanden isch, het me ane 1969 d Verchündigungsbasilika bout.

Für die römischi Volchszelig sind dr Josef und d Maria uf Bethlehem ggange, wo ire Soon uf d Wält cho isch. Derno het d Familie z Nazaret gläbt. Drum git men em Jesus i dr Chilegschicht au dr Byname dr Nazarener.

Dr Name Nazaret chunt usser dr Bible s erschte Mol inere Inschrift usem 3. oder 4. Joorhundert vor.

Literatur[ändere | Quälltäxt bearbeite]

  • Rainer Riesner: Nazaret. In: M. Görg, B. Lang (Hrsg.): Neues Bibel-Lexikon. Band 2: Haar-Nymphas. Zürich u. a. 1995, ISBN 3-545-23075-9, S. 909–912.

Weblink[ändere | Quälltäxt bearbeite]

 Commons: Nazareth – Album mit Multimediadateie