Montlingen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Wappe
S Wappe vo Montlingen
Basisdatä
Staat: Schwiiz
Kanton: St. Galle (SG)
Wahlchrais: Waalchrais Rhintlw
Gmeind: Oberriet
PLZ: 9462
Koordinate: 762497 / 24486847.3346347094219.5888328552246420Koordinaten: 47° 20′ 5″ N, 9° 35′ 20″ O; CH1903: 762497 / 244868
Höchi: 420 m ü. M.
Flächi:
Iiwohner: 1843 (31. Dezember 2009)
Website: og-montlingen.oberriet.ch
Charte
Charte vo Montlingen
www
Dialäkt: Ostschwizerisch

Muntlaga ischt a Doarf ir politischa Gmoand Oberriet im Waalkrais Rhintl vom Kantoa Sanggalle.

Chaarta vo da Gmoand Oberriet und erna Oart

Geografii[ändere | Quälltäxt bearbeite]

S Doarf Muntlaga lit rund um s Muntalgarbeargli, leangs vom Rhii, zmeazt im Rheantl.

Muntlaga ghört näabet Kriassara, Oachiwees, Koblwaald und em Doarf Oberriet, wia o d Wiiler Moos, Rechig, Stoag, Freiebaach, Stoa, Koblwees, Watt und Haard zur politischa Gmoand Oberriet. Uf am Gebiet vor Gmoand Oberriet, em ehemoliga Riichshof Kriassara, gits füüf verschidni Oartsgmoande, wo i da Ortsgmoand Allgemaine Hof Oberriet zäammagfasst seand. D Oartsgmoande Kriassara, Muntlaga, Oachiwees und Oberriet seand dabii deckigsgliich mit de jewiliga Döarfer.

Bevölkerig[ändere | Quälltäxt bearbeite]

Am 31. Dezämber 2009 hät s Doarf Muntlaga 1843 Iiwohner kha.[1]

Bsundrigs zum gi aaluga[ändere | Quälltäxt bearbeite]

  • d Pfarrkercha us am 9. Johrhundert, wo am Hailiga Johannes gwait ischt
  • d Sankt Anna-Kapealla und d Stazioana uf am Weag is Muntlagarbeargli ui
  • s «Hedwig Scherrer Huus»
  • di prähisorischa Sidlaga uf am Muntlagarbearg (ma gseacht hüt allerdeangs numma viil)

Wil d Oartsgmoand Muntlaga o Boda head, wo kli witer aweagg vum Doarf liggid, khört o d Alp Muntlagar Schwamm mit da Wörtschaft dazua. Dä Uusichtspunkt liit uf 1'127 m öber Meer, a Stuck oberhalb vom Doarf Koblwaald, gegen Kamor ufi. Ebefalls im Bsitz vor Oartsgmoand ischt d Krischtallhöali. Si ischt vom Doarf Koblwaald us i epa 15 Minuta z Fuass ärraichbar und ischt öber s Rhintl usi bekannt. Underhalb vom Doarf Koblwaald, iibeatat innara Felswand vom Semmeler (Semelenberg), seand d Überreascht vonnere ehemolige Roobritterburg. O d Ruine Wichastoa khört zur Oartsgmoand Muntlaga. D Felsaburg ischt nu öber an staila Fuassweag heandar am Wichaschtoanar-Seali z feanda. Säb Seali ischt a ehemoligs Baggerloch, wo im letschta Johrhundert Leam abbout wora ischt. Hüt ischs a Naturschutzgebiet.

Persönlichkaita[ändere | Quälltäxt bearbeite]

  • Hedwig Scherrer (1878–1940), e Schwizer Künstlari (head ab 1908 i eram sealbar entwoarfana Atelieehuus underhalb vo de Sankt Anna-Kapealla gwohnt)

Weablink[ändere | Quälltäxt bearbeite]

 Commons: Muntlaga – Sammlig vo Multimediadateie

Fuassnoota[ändere | Quälltäxt bearbeite]

  1. uf da Wäbsita vor Gmoand Oberriet, aaglugat am 26. Januar 2011