Montancy

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Montancy
 Bourgogne-Franche-Comté
Brémoncourt Poste frontière F-CH 1176.JPG
Verwàltung
Land  Frànkrich
Region  Bourgogne-Franche-Comté
Département Doubs (25)
Arrondissement Montbéliard
Kànton Maîche
Kommünàlverbànd Pays de Maîche
Àmtliga Nàma Montancy
Maire Suzanne Wermeille (2014-2020)[1]
Code Insee 25386
Poschtlaitzàhl 25190
Iiwohner
Iiwohner 149
Flech 8,86 km2
Bevelkerungsdicht 16,59 Iiw./km2
Làg
Koordinate 47° 20′ 47″ N, 7° 02′ 49″ E / 47.346388888889°N,7.0469444444444°E / 47.346388888889; 7.0469444444444Koordinate: 47° 20′ 47″ N, 7° 02′ 49″ E / 47.346388888889°N,7.0469444444444°E / 47.346388888889; 7.0469444444444
Heche 420 m
Montancy hemen kokatua: Frànkrich
Montancy
Montancy
Montancy (Frànkrich)

Montancy isch e Gmeind im französische Departemänt Doubs.

Si lyt öpe sibe Kilometer südlech vo Pruntrut und acht Kilometer weschtlech vo Saint-Ursanne im Juragebirg am Bärg Lomont. Dr Gmeindbann goot über e Fluss Doubs übere, wo i däm Abschnidd dur nes töif ygschniddenes Taal lauft.

D Gmeind het d Ortsdeil Brémoncourt am Doubs unde uf 419 m ü. M. und Montancy am Lomontbärg uf 828 m. Bi Brémoncourt uf dr Südsyte vom Doubs, chunt dr Bach Frénois in Fluss abe, und do isch au e Brugg übere Doubs, grad a dr Landesgränze zu dr Schwiiz. Montancy lyt ufem Bärg nördlech vom Doubs, und es git gar kei diräkti Fahrstrooss zwüschet de beide Gmeinddeil. Vo Pruntrut uus chunt me übere Montvoie-Pass uf Montancy; d Passtrooss goot derno wyter ganz is Taal vom Doubs abe und trifft z Glère uf d Taalstroos, wo em Fluss noo wyter abe uff Saint-Hippolyte goot. Vo Glère us füert d Strooss uf de lingge Site vom Doubs no ufe uf Brémoncourt und witer noch Saint-Ursanne übere.

D Nochbergmeinde vo Montancy sind Burnevillers und Glère z Frankriich, Haute-Ajoie, Fontenais (bis 2012 Bressaucourt) und Clos du Doubs i dr Schwiiz.

Im Wald bi Brémoncourt, under em Frénois-Tobel, ligge d Ruyne vo dr alte Müli Moulin du Frénois.

S Gmeindshuus und d Schuel vo Montancy si z Brémoncourt unde.

Weblink[ändere | Quälltäxt bearbeite]

 Commons: Montancy – Sammlig vo Multimediadateie

Fuessnote[ändere | Quälltäxt bearbeite]

  1. Liste des maires au 25 avril 2014 (data.gouv.fr)