Monika Meyer-Holzapfel

D Monika Meyer-Holzapfel (* 14. April 1907 z Lausanne; † 10. Septämber 1995 z Bärn) isch e Schwyzer Zoodiräkteri, Autori un Honerarbrofässeri fir Dierfisiology, Verhaltesforschig un Biology gsii.

Biografy

D Monika Holzapfel isch as Dochter vum Kulturpsicholog un Filosof Rudolf Maria Holzapfel (1874–1930) un dr Bildhaueri un Schriftstelleri Bettina Holzapfel-Gomperz (1879–1948) uf d Wält chuu. Si hatte e Schweschter ghaa, Myrrha (1905–1979). Anne 1935 het si dur Yyburgerig z Reisiswiu s Schwyzer Burgerrächt iberchuu.

Si het an dr Uniwersitete Bärn un Minche Zoology, Botanik, Geology un Mineralogy studiert 1932 het si s Gimnasiallehrerpatänt iberchuu, 1933 het si an dr Uniwersität Bärn zur Dokteri vu dr Filosofy promewiert. In ire Zyt as Assischtänti am Zoologische Inschtitut vu dr Uniwersität Bärn bim Fritz Baltzer, vu 1933 bis 1944, het si ire spetere Mann Gilbert Victor Meyer chännegleert, si hän 1940 ghyrote. Ab 1943 het d Meyer-Holzapfel as Brivatdozänti an dr Uniwersität Bärn aafange lehrer. Anne 1954 isch si Honerarbrofässeri wore. Im Dierpark Dählhölzli het si 1944 d Noofolg as Verwalteri vum Heini Hediger ibernuu un het des bis 1969 gmacht. Ire Inträssi het ere hechere Artevylfalt im Vivarium gulte, si het neii Aalage böue un alti uuswyte loo, mit ihne isch im Dierpark e Fasanery derzue chuu un enii Dierarte wie Lugs, Wolf un Wisent. In dr Johr 1954 bis 1973 het si as Honerarbrofässeri fir Dierfisiology, Verhaltesforschig un Biology an dr Uniwersität Bärn gschafft un isch dur e Hufe Arbete internazional bekannt wore. Dernäbe het si au Gedicht gschribe.

D Meyer-Holzapfel isch anne 1944 di erscht Frau z Europa gsii, wu ne Zoo glaitet het, un di erscht Frau, wu as Mitglid in di 1946 nei grindet International Union of Directors of Zoological Gardens (IUDZG), hite World Association of Zoos and Aquariums (WAZA), ufgnuu woren isch. 1988 het d Meyer-Holzapfel en Ehredokter vu dr Uniwersität Hamburg iberchuu.

Dr Nooloss vu dr Meyer-Holzapfel isch 2018 dr Burgerbibliothek Bärn ibergee un im Rame vun ere Erschließigsprojäkt 2020 ufgschafft wore.

Wärch

• Über Bewegungsstereotypien bei gehaltenen Säugern, Paul Parey, 1938
• Die Entstehung einiger Bewegungsstereotypien bei gehaltenen Säugern und Vögeln, 1939
• Monika Meyer-Holzapfel, Universität Basel. Zoologische Anstalt: Analyse des Sperrens und Pickens in der Entwicklung des Stars: Ein Beitrag zum Instinktproblem, Zoologisches Museum, 1939
• Triebbedingte Ruhezustände als Ziel von Appetenzhandlungen, J. Springer, „Naturwissenschaften“ 28. Jahrgang, Heft 18, vom 28. Januar 1940
• Störungen des psychischen Gleichgewichtes bei Tieren, 1947
• Die Beziehungen zwischen den Trieben junger und erwachsener Tiere, 1949
• Unser Tierpark Dählhölzli, Verbandsdruckerei AG., 1949
• Die Bedeutung des Besitzes bei Tier und Mensch, Institut für Psycho-Hygiene 1952
• Das Spiel bei Säugetieren (= Monika Meyer-Holzapfel, Werner Fischel, Erna Mohr, Hilde Gauthier-Pilters: Handbuch der Zoologie, Band 8: Mammalia, Teil 2, Ausgabe 10), W. de Gruyter 1955, ISBN 3-1100-5425-6
• Das Spiel bei Säugetieren – Haushunde – Das Verhalten der Pinnepedier – Das Verhalten der Tylopoden (= Handbuch der Zoologie, Band 5, 8, 10), W. de Gruyter 1955, ISBN 3-1100-5425-6
• Unsicherheit und Gefahr im Leben höherer Tiere, 1955
• Über die Bereitschaft zu Spiel- und Instinkthandlungen, 1956
• Das Spiel bei Säugetieren, In: Handbuch der Zoologie Band 8, W. de Gruyter 1956
• Methoden der Verhaltensforschung (= Konrad Lorenz, Irenäus Eibl-Eibesfeldt, Monika Meyer-Holzapfel: Handbuch der Zoologie, Band 8: Mammalia, Teil 8, Ausgabe 10), W. de Gruyter 1957
• Methoden der Verhaltensforschung – Ausdrucksformen der Säugetiere – Das Verhalten der Bären (Ursidae), (= Konrad Lorenz, Irenäus Eibl-Eibesfeldt, Monika Meyer-Holzapfel: Handbuch der Zoologie, Band 8: Mammalia, Teil 1, Ausgabe 10), W. de Gruyter, 1957
• Gruppenbildung bei Wirbeltieren, 1958
• Soziale Beziehungen bei Säugetieren, 1958
• Über das Spiel bei Fischen, insbesondere beim Tapirrüsselfisch (Mormyrus kannume Forsskål), 1960
• Monika Meyer-Holzapfel, Emil Hostettler: Tierpark Dählhölzli, Verlag Paul Haupt, 1962
• Tierpsychologie, Verhaltensforschung und Psychiatrie, 1964
• Mosaiksteine: Sonette, Benteli Verlag Bern 1965
• Tiere, meine täglichen Gefährten. Ernstes und Heiteres aus einem Tierpark, Benteli Verlag Bern 1966
• Tierpark kleine Heimat, Benteli Verlag Bern 1968
• Monika Meyer-Holzapfel, Heini Hediger: Hediger-Festschrift: Heini Hediger 60 Jahre, Geest & Portig, 1968
• Breeding Kestrels, 1970
• Hans Herren, Max Bloesch, Monika Meyer-Holzapfel, Schweizer Schulfunk: Bedrohte Tierwelt – retten statt ausrotten! Leseheft des Schweizer Schulfunks im Dienst des Naturschutzes mit vier Einführungs- und Sendetexten, Schweizer Schulfunk, Bilder und Schriften, 1971
• Welt der Maler – Maler der Welt, Gedichte über grosse Maler und deren Werke, Benteli Verlag Bern 1974
• Tiergeschichten und Gedichten
• Rudolf Maria Holzapfel. Leben und Werk, zum 100. Geburtstag, Verlag Neue Ideen, 1974
• Monika Meyer-Holzapfel, Schweizer National-Circus (Rapperswil, Sankt Gallen): Ein Zoo kommt zu uns!, Gebr. Knie 1974
• Zur Ontogenese des Beutefangs beim Waldkauz (Strix aluco L.): Beobachtungen und Experimente, 1976
• Blick nach aussen, Blick nach innen: Gedichte, M. Meyer-Holzapfel, 1978
• Bettina Holzapfel-Gomperz, Monika Meyer-Holzapfel: Wie auf einem stillen Weiher. Gedichte, Österreichische Verlagsanstalt 1979, ISBN 3-8520-2057-3
• Bettina Holzapfel, Monika Meyer-Holzapfel, Cedric Hausherr: Reisnerstrasse 13. Meine Jugend im Wien d. Jahrhundertwende. Aus dem Nachlass, Österreichische Verlagsanstalt & Schroll, 1980, ISBN 3-7031-0513-5
• Mensch – Erde Kosmos: Leben und Werk von Rudolf Maria Holzapfel. Gesellschaft für eine Gesamtkultur, Bern 1980
• Mosaiksteine. Blick nach Aussen, Blick nach Innen. Gedichte, J. Druck & Verlag 1992, ISBN 3-2600-5339-5

Weblink

• Luc Lienhard: Meyer [-Holzapfel], Monika. In: Historisches Lexikon vo dr Schwiiz.
• Nachlass Monika Meyer-Holzapfel im Katalog vor Burgerbibliothek Bärn

Fueßnote

Dä Artikel basiert uff ere fräie Übersetzig vu dere Version vum Artikel „Monika_Meyer-Holzapfel“ vu de dütsche Wikipedia. E Liste vu de Autore un Versione isch do z finde.