Mineralogii

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Mineralogii (griechisch-dütsch: D Kenntnis bzw. d Wüsseschaft vo de Mineral), beschäftigt sich drmit uusezfinde, wie d Mineral entstande si, was für Äigeschafte si häi und für was si brucht wärde. D Mineral si d Baustäi vo de Gstäi, wo zum grösste Däil en anorganische Ursprung häi und dur e charakteristischi chemischi Zämmesetzig und e bestimmti geometrischi Kristallstruktur kennzäichnet si.

Dr Undersuechigsgegestand[ändere | Quälltäxt bearbeite]

D Stellig vo dr Mineralogii zwüsche dr Chemii, dr Füsik, dr Geologii und de Wärkstoffwüsseschafte

D Mineralogii isch d Materialwüsseschaft under de Geowüsseschafte. Si isch verbunde mit dr Geologii, dr Chemii, dr Füsik und de Wärkstoffwüsseschafte.

D Mineralogii undersuecht, zu welem Zitpunkt, mit was für ere Gschwindikäit, under was für eme Druck und bi welere Tämpratur, in was für ere chemische Umgääbig und dur weli Brozäss Mineral entstande si (Geothermobarometrii). Die Informazione si wichdig für zum d Entwigglig vo dr Ärde und vom Universum z rekonstruiere, aber au für zum Mineral für technischi Zwäck z sünthetisiere, z. B. Diamante. Mineraloge erforsche die mechanische, optische, thermische, elektrische, magnetische und chemische Äigeschafte vo de Mineral, zum uusefinde, wie und für was mä Mineral au no cha verwände. D Herti isch die wichdigsti mechanischi Äigeschaft und spiilt bi dr Entwigglig vo mineralische Hartstoff wie Bornitrid oder Sialon, bi dr Erforschig vo Ärdbeebe und bi dr Ufberäitig vo mineralische Roostoff e Rolle. Optischi Äigeschafte wärde bi dr Herstellig vo Yttrium-Aluminium-Granat-Laser usgnützt. Thermischi Äigeschafte si für d Entwigglig vo Ceran-Kochfälder uf dr Basis vom Li-Silikat Petalit vo Bedütig. Die hoochi Dielektrizitätskonstante vo Glimmer wird z. B. in Glettiise as elektrischi Isolierig gnützt, d Piezoelektrizität vom Kwarz für d Konstrukzion vo Uure. Dr Ferrimagnetismus vom Magnetit macht s mööglig, s Ärdmagnetfäld z rekonstruiere und eso uusezfinde, wie sich d Kontinänt in vergangene Ärdzitalter bewegt häi. Die chemischi Zämmesetzig vo so genannte Pfadfindermineral hilft bi dr Prospekzion und Explorazion vo Laagerstett.

Litratuur[ändere | Quälltäxt bearbeite]

Weblingg[ändere | Quälltäxt bearbeite]

 Commons: Mineralogii – Sammlig vo Multimediadateie

Fuessnoote[ändere | Quälltäxt bearbeite]

  1. Volltext Archive.org
Information icon.svg Dä Artikel basiert uff ere fräie Übersetzig vum Artikel „Mineralogie“ vu de dütsche Wikipedia.

E Liste vu de Autore un Versione isch do z finde.