Mitra Devi

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Mitra Devi (* 30. Oktober 1963 as Beatrice Hänseler z Züri; † 22. Septämber 2018[1]) isch e Schwyzer Schriftstelleri, Filmmacheri, Schurnalischti un bildendi Chinschtleri.

Lääbe[ändere | Quälltäxt bearbeite]

D Mitra Devi isch z Züri as elteri vu zwoo Schweschtere uf d Wält chuu. Sch as Chind het si gschribe un gmolt. No dr Primar- un Sekundarschuel isch si mit 16 Johr uf Israel graist, wu si zwai Johr lang gläbt het. No andere Raise un eme halbjehrige Ufenthalt z Indie isch si uf d F+F Schule für Kunst und Design z Züri gange un het derno en Uusbildig zur Sozialbeglaiteri gmacht. Si het e baar Johr lang in ere Bio-Gärtnerei gschafft, as Marionetteböueri, Edelschtaischlyferi, Kurslaiteri in kreative Medie un as freii Chinschtleri, voreb si mit Mitti 20 ihri Bilder zum erschte Mol in ere Galery uusgstellt het.

Anne 2001 si ihri erschte Churzgschichte in verschidene Anthologie vereffetligt wore. 2003 isch ihre Kurzkrimi-Band Die Bienenzüchterin uusechuu. Derno het si iber e Dutzed Roman un anderi Wärch publiziert, dodrunter schwarzhumorigi Lyrik, vyl Short Stories, wu ne Dail vum Schwyzer Radio SRF as Heerspiil gsändet wore sin, un di fimfdailig Raie mit dr Zürcher Privatdetektivi Nora Tabani. Im Johr 2007 het d Mitra Devi e halbjehrig Ufenthaltsstipendium as Leipziger Stadtschryberi iberchuu. 2009 isch si zäme mit dr dytsche Krimiautore Tatjana Kruse un Michael Kibler Stipendiati vum Literaturhuus Wiesbaden gsii. Chorz vorhär isch Stumme Schuld erschine, dr erscht Fall fir d Nora Tabani. Dewrno sin Filmriss, Seelensplitter, Das Kainszeichen un 2012 Der Blutsfeind chuu. E baar vu s Mitra Devis Biecher sin mit Literaturbydreg gferderet, fir Bryys nominiert un uuszaichnet wore. Mit irer Partneri Petra Ivanov het si d Krimi-Anthologie Mord in Switzerland, Band 1 un 2, uusegee, 2017 isch dr gmainsam Thriller Schockfrost erschine.

Näb dr Arbet as Schriftstelleri het d Mitra Devi e baar Johr lang as Kolumnischti bim Tagi gschafft un as freii Schurnalischti fir verschideni Zytige un Zytschrifte. Ihri Molereie het mer syt 1987 in diverse Ainzel- un Gruppenuusstellige chenne bschaue. 2011 het si ne Filmuusbildig absolviert un in Aigeproduktion e baar Dokumentarfilm realisiert, wu in Schwyzer Kino un an internationale Filmfeschtival zaigt wore sin. Derzue het si Ultrachurzfilm produziert, wu an Shortfilm-Feschtival ufgnuu wore sin.

D Mitra Devi het ab 2002 bi iber 600 Lääsige un Literaturfeschtival in dr Schwyz, z Dytschland, z Eschtrych un uf dr Kanarische Insle dailgnuu, isch unter anderem an dr Frankfurter Buechmäss] ufdrätte, an dr Leipziger Buechmäss, em Literaturfeschtival «Zürich liest», dr Burdlefer Krimitäg, dr Stuegerter Buechwuche, bi «Mord am Hellweg», dr[Criminale, dr «Schwyzer Mordstäg», d Soledurner Literaturtäg, bi Buech Basel, «Zürich Littéraire» un andere. Ab 2003 isch si mit ihre Schweschter, dr Schauspiileri Barblin Leggio, mit szenische Lääsige us ihre Churzkrimisammlige unterwägs gsii.

D Mitra Devi isch im Septämber 2018 im Alter vu 54 Jahren noch ere schwäre Chranket gstorbe.[2]

Wärch[ändere | Quälltäxt bearbeite]

Kriminalroman mit dr Privatdetektivi Nora Tabani[ändere | Quälltäxt bearbeite]

Churzgschichte[ändere | Quälltäxt bearbeite]

Lyrik[ändere | Quälltäxt bearbeite]

Verschideni Biecher[ändere | Quälltäxt bearbeite]

Dokumentarfilm[ändere | Quälltäxt bearbeite]

  • Crime. Auf Spurensuche mit Krimiautorin Mitra Devi. Regie & Kamera: Bea Huwiler, Regieassistenz: Mitra Devi. Aigeproduktion 2012, Bea Huwiler, 50 Min.
  • Vier Frauen und der Tod. Konzept, Regie & Kamera: Mitra Devi. Aigeproduktion 2013, Mitra Devi, 63 Min.
  • Long Time Love. Konzept & Regie: Mitra Devi, Kamera: Bea Huwiler. Aigeproduktion 2014, Mitra Devi, 50 Min.
  • Gothic. Konzept & Regie: Mitra Devi, Kamera: Bea Huwiler, Lia de Luca, Harald Vigano. Aigeproduktion 2014, Mitra Devi, 89 Min.

Uuszaichnigen, Wärchbydrag un Stipendie[ändere | Quälltäxt bearbeite]

  • 2003: Wilhelm-Busch-Bryys
  • 2006: Wärchbydrag vu dr Stadt Uschter fir Filmriss
  • 2007: Halbjehrige Ufenthalt as Krimi-Stadtschryberi vu Leipzig
  • 2008: Wärchbydrag vu dr Stadt Uschter
  • 2009: Krimi-Stipendium vum Literaturhuus Wiesbaden
  • 2009: Nomination fir dr Zürcher Krimibryys, mit Filmriss
  • 2010: Nomination fir dr Zürcher Krimibryys, mit Das Kainszeichen
  • 2012: Wärchbydrag Pro Helvetia
  • 2013: Literaturferderig Fondation Jan Michalski
  • 2013: Zürcher Krimibryys, fir Der Blutsfeind
  • 2014: Publikumsuuszaichnigf vum Pink Apple-Filmfeschtival Frauefeld, fir Long Time Love
  • 2015: Literaturferderig Oertli-Stiftig
  • 2015: Literaturferderig Ernst Göhner-Stiftig
  • 2015: Literaturferderig Bündner Kulturamt
  • 2016: Literaturferderig Fondation Jan Michalski
  • 2017: sechswichig Chinschtlerufenthaltsstipendium in dr Kartause Ittinge

Mitglidschafte[ändere | Quälltäxt bearbeite]

D Mitra Devi isch Mitglid in däne Schrifstellerverbänd un Urheberrächtsgsellschafte gsii:

  • Schriftstellerverband Autorinnen und Autoren der Schweiz
  • Syndikat, Autoregruppe vu dytschsprochige KrimiautorNe
  • International Thriller Writers, Verainigung vu internationale Thriller- un Krimiautore
  • Mörderische Schwestern, Verainung vu internationale Krimiautorne
  • Pro Litteris, Schwyzerischi Urheberrächtsgsellschaft fir Literatur un bildendi Chunscht
  • Suissimage, Schwyzerischi Gnossenchaft fir Urheberrächt an audiovisuelle Wärch
  • Swiss Perform, Gsellschaft fir Laischtigsschutzrächt
  • Femscript, Schwyzerisch Netzwärch vu Fraue, wu schrybe

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Alexandra Kedves: Zürcher Autorin Mitra Devi ist tot In: Tages-Anzeiger, 29. September 2018, S. 50 (Online-Version (Site cha nüme abgrüeft wärde; Suche im Webarchiv)[1] [2] Vorlage:Toter Link/epaper.tagesanzeiger.ch).
  2. Zürcher Krimiautorin Mitra Devi gestorben. In: Klein Report vum 29. Septämber 2018.
Information icon.svg Dä Artikel basiert uff ere fräie Übersetzig vu dere Version vum Artikel „Mitra_Devi“ vu de dütsche Wikipedia.

E Liste vu de Autore un Versione isch do z finde.