Mirjam von Arx
D Mirjam von Arx (* 1966 z Wiifälde) isch e Schwyzer Film- un Fäärnseereschiseeri un Filmbroduzänti.
Lääbe
[ändere | Quälltäxt bearbeite]No dr ire Uusbildig an dr Ringier-Schurnalischteschuel het d von Arx as Redakteeri in Freelanceri fir verschiideni dytsxchsproochigi Magaziin gschriibe. As freii Schurnalischti het si u. a. vu 1991 bis 1994 z New York gschafft. 1991 het si mit em Polo Hofer dr Roadmovie Bluesiana broduziert. Nääbe reegelmääßige Byydreeg im Schwyzer Fäärnsee het si Chuurzdokumäntaarfilm fir Sat.1 realisiert.
Anne 2001 het si mit dr Draiaarbete fir dr Dokumäntaarfilm Building the Gherkin [1][2] iber dr Böu vum Gebei 30 St Mary Axe vum Norman Foster z London aagfange. Dr Film isch emänd anne 2005 uusechuu. Är isch 2006 u. a. bi dr 6. Architäktuurfilmdrääg z Minche im Filmmuseum Minche zaigt woore.[3] Är isch au 2006 bim DOKU.ARTS-Festival[4] z Berlin un bi dr 3. Architäktuurwuche A3 Regensburg[5] z Regensburg glofe.
Im Joor 2002 het si d Brodukzioonsfirma ican films gmbh grindet. 2006/2007 het si fir dr Thomas Haemmerli dr Dokumäntaarfilm Sieben Mulden und eine Leiche broduziert, wu 2007 in d Kino chuu isch.[6] Dr Film isch u. a. im Augschte 2007 bim 60. Filmfeschtiwäl Locarno zaigt woore[7] un im Jänner 2008 bi dr Soledurner Filmdääg[8]. Anne 2009 het si Seed Warriors broduziert, e Dokumäntaarfilm iber dr Svalbard Global Seed Vault z Norweege, dr Saatguet-Tresor, wu Wisseschaftler*ne dermit di globaal Biodiwersiteet langfrischtig wänn sichere. Im Juuni 2012 isch ire Film Virgin Tales in d Kino chuu, wu d Familie vun eme Funkzioneer vu dr US-Evangelikale portretiert.
Anne 2014 isch dr Film Freifall – eine Liebesgeschichte uusechuu, wu dr Dood vun eme doomoolige Frynd, wu bim Base-Jumping ums Lääbe chuu isch, as Uusgangspunkt het.[9]
Uuszaichnige
[ändere | Quälltäxt bearbeite]- Award uf em Festival International du Film sur l’Art in Montréal 2006 fir Building the Gherkin
- Zürcher Filmbryys 2007 fir Sieben Mulden und eine Leiche
- Publikumsbryys vu dr Duisburger Filmwuche fir Sieben Mulden und eine Leiche
- Nominierig bim Schwyzer Filmbryys 2008 fir Sieben Mulden und eine Leiche
Weblink
[ändere | Quälltäxt bearbeite]- Mirjam von Arx in dr Internet Movie Database
- Interview mit dr Mirjam von Arx iber ire Film Virgin Tales
Fueßnote
[ändere | Quälltäxt bearbeite]- ↑ Building the Gherkin Rezension in: CINEMA vum 3. Novämber 2006
- ↑ Londons größte Gurke hat eine intelligente Klimaanlage Rezension Hamburger Abendblatt vum 18. Mai 2006
- ↑ 6. Architekturfilmtage: Architektur und Skulptur Programm 2006
- ↑ Internationales Festival für Filme zur Kunst (PDF; 711 kB) Programm 2006
- ↑ Dritte Architekturwoche A 3 Regensburg Programm 2006
- ↑ Sieben Mulden und eine Leiche uf swissfilms.ch
- ↑ 60. Festival internazionale del film Locarno, 01.08.2007–11.08.2007, Locarno uf swissfilms.ch
- ↑ 43. Solothurner Filmtage, 21.01.2008–27.01.2008, Solothurn uf swissfilms.ch
- ↑ Mirjam von Arx zum Filmstart: «Freifall – eine Liebesgeschichte». Radio SRF: ‹Tagesgespräch› vum 3. Dezämber 2014.
|
Dä Artikel basiert uff ere fräie Übersetzig vu dere Version vum Artikel „Mirjam_von_Arx“ vu de dütsche Wikipedia. E Liste vu de Autore un Versione isch do z finde. |