Miriam Butt

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Miriam Butt (2012)

D Miriam Jessica Butt [bʌt] (* 27. Februar 1966 z Ta'if, Saudi-Arabie)[1] isch e dytschi Linguischti un Brofässeri fir Computerlinguischtik an dr Universitet Konschtanz.

Lääbe un Wirke[ändere | Quälltäxt bearbeite]

D Butt isch e Dochter vun eme pakistanisch Eläktroingenieur un ere dytsche Schurnalischti, wu si z Saudi-Arabie chänneglehrt hän. Si isch dreisprochig mit Dytsch, Änglisch un Urdu ufgwagse, in ire erschte Johr het si au no Arabisch gleert. D Familie isch derno uf Dytschland zoge, wu d Miriam Butt uf d Schuel chuu isch. Wu si dryzeh Johr alt gsii isch, isch d Familie uf Pakistan zoge, d Butt isch dert derno uf d Lahore American School (LAS) chuu, wu si au dr Abschluss gmacht het.

No dr Schuel het si vu 1984 bis 1987 am Wellesley College Sprochwisseschaft un Informatik studiert un mit em Bachelor of Arts abgschlosse, derno het si vu 1988 bis 1991 Sprochwisseschaft an dr Stanford University studiert un mit em Master of Arts abgschlosse. Ab 1991 isch si Doktorandi an dr Stanford University gsii un isch dert im Fach Sprochwisseschaft bim Peter Sells iber „The Structure of Complex Predicates in Urdu“ promoviert wore.

Vu 1993 bis 1995 isch d Butt wisseschaftligi Mitarbaiteri in dr Abdailig Computerlinguischtik am Seminar fir Sprochwisseschaft an dr Universitet Dibenga gsii un vu 1995 bis 1997 wisseschaftligi Mitarbaiteri am Inschtitut fir Maschinälli Sprochverarbaitig an dr Universitet Stuegert. Vu 1997 bis 2002 het si as wisseschaftligi Mitarbaiteri im Fachberych Sprochwisseschaft an dr Universitet Konschtanz im Rame vum SFB 471 - Variation and Change in the Lexicon gforscht. Vu 2002 bis 2003 het si am Institute of Science and Technology, University of Manchester glehrt.

Syter anne 2003 isch si Brofässeri (C3) fir Allgmaini Sprochwisseschaft mit Schwärpunkt Computerlinguischtik am Fachberych Linguischtik an dr Universitet Konschtanz.

Schwärpinkt vu ire Forschig sin d Syntax, Morphology, Semantik un Phonology vum Urdu un andere sidasiatische Sprochen. Derzue forscht si us ere theoretische un ere computerlinguistische Sicht zue dr Architäktur vu dr Grammatik un zue sprochlige Interfaces (Syntax-Semantik, Morphology-Syntax/Semantik, Prosody-Syntax). Im Rame vum ParGram-Projäkt forscht si an dr Entwicklig vu parallele Grammatike fir verschideni Sproche.

Anne 2019 isch d Miriam Butt in d Academia Europaea gwehlt wore.[2]

Uusgläseni Schrifte[ändere | Quälltäxt bearbeite]

  • M. Butt: Theories of Case. Cambridge University Press, Cambridge 2006.
  • M. Butt, T. H. King, M.-E. Niño, F. Segond: A Grammar Writer's Cookbook. CSLI Publications, Stanford 1999.
  • M. Butt: The Structure of Complex Predicates in Urdu. CSLI Publications, Stanford 1993.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Butt, Miriam Jessica. In: Kürschners Deutscher Gelehrten-Kalender Online. De Gruyter.
  2. Member of the Academia Europaea.