Mireille Delunsch
D Mireille Delunsch, wo am 2. Novämber 1962 z Milhuusa uf d Wält cho isch, isch e französeschi Sopranischtin.
Ihri Muetter und dr Vatter sind vo Pruef au scho e Sänger und e Sängeri gsi. D Mireille het z Stroossburg Klavierstunde gnoo und a dr Nazionale Rhyopere Singe und Musigwüsseschaft studiert. Ane 1990 het si a däm Huus im Mussorgsky sinere Oopere Boris Godunov gsunge, und derno het si Rolle im Wagner sim Parsifal, im Mozart sinere Entfüerig us em Serail und em Verdi sinere Traviata gha, un si isch no i vil andere grosse klassische Stück ufträtte. Es bar Mol het si bi Färnseefilm vo grosse Oopere mitgmacht. Zwöimol het si sälber scho für Oopereuuffüerige d Reschy gha.
D Delunsch isch meischtens uf französische Büünine z gseh, glägentlech aber au i dr Wälschschwiiz, öppe z Lausanne, und a dr Scala z Mailand oder uf de Salzburger Feschtspiil. Si isch bi de Ritter vo dr Eerelegion.
Anderi Rolle
[ändere | Quälltäxt bearbeite]- d Micaela im Georges Bizet sinere Carmen
- d Donna Elvira im Mozart sim Don Giovanni
- d Pamina i dr Zauberflöte vom Mozart
- d Elektra im Mozart sim Idomeneo
- im Benjamin Britten sinere Oopere The Turn of the Screw
- d Kleopatra im Georg Friedrich Händel sim Julius Caesar
- d la Folie im Jean-Philippe Rameau sinere Platée
- di blutt Jumpfere im Arnold Schönberg sim Stück Moses und Aaron
- d Amelia im Verdi sim Masgeball
- d Elsa von Brabant im Lohengrin vom Richard Wagner
- d Freia im Wagner sinere Oopere Das Rheingold
- d Louise im Gustave Charpentier sinere Oopere Louise
- d Valentine im Giacomo Meyerbeer sine Hugenotte
- d Salome i dr Salome vom Richard Strauss
Literatur
[ändere | Quälltäxt bearbeite]- Jean-Luc Gester: Mireille Delunsch. In: Nouveau dictionnaire de biographie alsacienne, Band 48, S. 5079.