Miltiades (Bischof vu Rom)

Us der alemannische Wikipedia, der freie Dialäkt-Enzyklopedy
Ikone mit dr Darstellig vum Miltiades

Dr Miltiades oder Melchiades (hebr.-lat.: dr Chenigli; au Meltiades, Melciades, Milciades, Milziade oder Miltides; † 10. oder 11. Jänner 314) isch vum 2. Juli 310 bis zum 10. oder 11. Jänner 314 Bischof vu Rom gsii.

Lääbe un Wirke[ändere | Quälltäxt bearbeite]

Drotz em Name isch dr Miltiades wahrschyns Nordafrikaner gsii, iber syni Biografy waißt mer aber wenig.

In d Zyt vu syre Amtszyt isch am 30. April 311 s Toleranzedikt vum Galerius erloo wore, dodermit hän mit regionale uusnahme unter em Maximinus Daia d Chrischteverfolgige im Remische Rych ufghert. Wu dr Konstantin am 28. Oktober 312 iber sy Gegner Maxentius gsiigt ghaa het, isch s zwische sällem un em Licinius zue dr Mailänder Veryybarig chuu, wu d Glychstellig vu allne Religionen im Remische Rych brocht het. Dr Lateranpalascht isch um die Zyt de facto in dr Bsitz vu dr Bischef vu Rom chuu, de jure aber erscht anne 800 dur di Konstantinisch Schänkig, wu as Felschig entlarvt woren isch.

In dr Chilchegschicht isch dr Miltiades wichtig doderdur, ass er versuecht het, dr Stryt mit em Donatismus z lese. Är het s Schidsgricht im Lateran glaitet zum dr Stryt zwische dr Bischef Caecilianus vu Karthago un Donatus vu Casae Nigrae schlichte, wu am 2. Oktober 313 dr Caecilianus rehabilitiert het un d Donatischte zur Versehnig mit em Caecilianus ufgforderet het.[1]

Verehrig[ändere | Quälltäxt bearbeite]

Syni Reliquie lige in dr Calixtus-Katakombe in dr sognännte Region vum Papscht Papstes Miltiades.[2]

Syni Mahndäg sin in dr kadolische Chilche dr 10. Jänner un in dr orthodoxe Chilche dr 10. April.

Literatur[ändere | Quälltäxt bearbeite]

  • Adolf Lumpe: Miltiades. In: Biographisch-Bibliographisches Kirchenlexikon (BBKL). Band 5, Herzberg 1993, ISBN 3-88309-043-3, Sp. 1537–1538.
  • Ytrag in d Catholic Encyclopedia, Robert Appleton Company, New York 1913 (änglisch)

Weblinks[ändere | Quälltäxt bearbeite]

 Commons: Miltiades – Sammlig vo Multimediadateie

Einzelnachweise[ändere | Quälltäxt bearbeite]

  1. Serge Lancel: Saint Augustine. SCM Press, 2002. ISBN 0-334-02866-3. S. 166.
  2. Ruhestätte (Memento vom 14. Septämber 2011 im Internet Archive)


Dä Artikel basiert uff ere fräie Übersetzig vum Artikel „Miltiades_(Bischof_von_Rom)“ vu de dütsche Wikipedia. E Liste vu de Autore un Versione isch do z finde.