Milchmaa

Us der alemannische Wikipedia, der freie Dialäkt-Enzyklopedy
Milchmaa
Geburtsname Goran Vulovic
Uf d Wält cho 1984
Härkumft Chur, Schwiiz
Genre Hip-Hop, Rap
Beschäftigung Sänger
Aktiv 2002 bis hüt

Dr Milchmaa (* 1984 z Chur, bürgerlich Goran Vulović) isch e Rapper us Chur mit serbische Wurzle.

s Lebe[ändere | Quälltäxt bearbeite]

Dr Milchmaa isch e serbisch-schwizerische Doppelbürger. Er isch im Rhiiquartier vo Chur ufgwachse und het as Jugendlige nit sälte under de Vorurdeil vo de Schwiizer glitte. Zum Bispiil het er, wo n er us dr Schuel cho isch, kei Lehrstell chönne finde. Sini erschte Tegscht het er 2001 gschribe. Uf synere Début-EP "Balkan Troubles" us em Johr 2004 spilt är gekonnt mit Clichées und thematisiert so sy aigeni Identiteet als dopplete Ussesyter in der Dütschschwytz - als Bündner mit serbische Wurzle. D Musig stammt vom Spoon vo Liricas Analas. Vo 2005 bis 2007 het er sini Trilogii Podium I-III uuseggee.

Dr Milchmaa isch au en versierte Battle-Rapper und het 2008 bim Fight Club-Battle z Züri gwune. Im gliiche Joor het er au de dritti Platz im inofizielle Schwizer Freestylewettberwerb Ultimate MC Battle Vol. VI. erraicht.

Dr Milchmaa schafft au mit anderne bikannte Schwizer Räpper zäme, so em Gimma, Breitbild oder Baze.

2010 het er de Kulturförderigspriis vo de Stadt Chur gwune[1]. Zur Zitt studiert dr Milchmaa z Züri Gschicht und Germanistik.

Diskografii[ändere | Quälltäxt bearbeite]

Albümer[ändere | Quälltäxt bearbeite]

  • 2004: Balkan Troubles (EP)
  • 2005: Podium I (EP)
  • 2006: Podium II (EP)
  • 2007: Podium III (EP)
  • 2010: Jugo Tempo Ghettoblaster Vol. 1 (Freedownloadmixtape mit em DJ Redrum)
  • 2013: -ić (Debüt-Album)

Weblink[ändere | Quälltäxt bearbeite]

Ainzelnoowiis[ändere | Quälltäxt bearbeite]

  1. Kulturpreisträger Chur (Site cha nüme abgrüeft wärde; Suche im Webarchiv)[1] [2] Vorlage:Toter Link/s567.photobucket.com. Website Photobucket.