Microspot

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Microspot
Logo
Unternähmensform Gschäftsberych vo dè Gnossèschaft Coop
Gründig 1980 als AG, 1996 Ygliderig i d Coop-Gnossèschaft[1]
Sitz Jegischtorf, SchweizSchweiz Schwiz
Leitig

Markus Kwincz

Mitarbeiter 100
Umsatz 146 Mio. CHF (2014)[2]
Branche Onlinehandel Elegtronik
Uffdritt im Netz www.microspot.ch

Microspot isch als Gschäftsberych vom Schwizer Handelsunternämmè Coop Bedryber vom glychnammigè Onlineshop microspot.ch für Unterhaltigs- un Heimelegtronik. S Sortiment umfasst Artikel uss dè Berych Home Electronics, Computing, Foto, Wysswarè, Huushalt un Telekommunikation.[3] Microspot.ch ghört zuè dè Coop-Gnossèschaft, tritt am Markt abber eigèschtändig uff. Microspot hèt 2014 mit ca. 100 Mitarbeiter èn Umsatz vo 146 Mio. Schwizer Frankè erwǜrtschaftet.[2] Näbbè m Onlineshop füürt Microspot 20  Pick-Up-Stationè, wo bschtellti Brodukt abgholt wörrè chönnè, sowiè drei Showrooms i dè Agglomeration Diètikè un dè Stadt Züri sowiè i dè Agglo vo Bärn, z Moosseedorf. I dè Showrooms wörred Reparadur- un Serviceabwicklig botè, usserdèm sin è baar Brodukt dört uusgschtellt.[4]. Dè Bschtellvorgang cha bi Microspot uusschlièßlich online abgwicklèt wörrè, defür isch die Heiliferig gratis. Diè Bschtellpraxis isch au dè Grund, wõrum mò i dè Showrooms un dè Pick-Ups nüt bschtellè cha. Allerdings cha mò bim Bschtellè d Option Zahlung bei Abholung wäälè, denn cha i dè Showrooms bim Abhollè zallt wörrè. Diè Yschränkung bim Bschtellè lyt am Handelsprinzyp vom Online-Händler, mit dèm sich microspot.ch vo 2007 aa in Heimelegtronik-Markt ygfüürt hèt.

Gschichtè[ändere | Quälltäxt bearbeite]

1980 isch d Microspot AG vom Bruno Gideon (1931–2015)[5] als stationärè Vokaufshandel gründet worrè. 1996 isch es zu dè Übbernaam i d Coop-Döchter Simeco cho, zu dèrrè au d Interdiscount gehört.[1] 1999 sin sämtlichi Microspot-Filialè i d Interdiscount-Chetti integryrt worrè.[6][7] D Konsequenz dõdruus isch gsi, dass d Markè Microspot völlig vom Märkt voschwundè isch.

Im Mai 2007 isch d Markè Microspot als Onlineshop für Heimelegtronik widder uff èm Märkt uffdaucht.[8][1] Im Auguscht 2011 isch èn èrschtè Showroom z Moosseedorf uffgmacht worrè.[9] Èn witèrè Showroom isch z Diètikè ygrichtet worrè, usserdem 20 Abholschtationè in Coop-Filialè z Adliswil, Allaman, Basel (Pfauè un St. Jakob), Bärn, Bièl, Fribourg, Gèmpf, Gunzgè, Krièns, Lausanne, Lozärn, Oftringè, Oultè, St. Gallè, Volketschwil, Winti un Züri (Oerlikè, Sihlquai un St. Annahof).[4] Sèlli Filialè ghörèd entwedder zum Coop-Pronto odder Coop-City Gschäftberych.

Im April isch im Züri HB èn witerè Showroom uffgmacht worrè. Sèllè isch mit ènèrè Flächi vo 30m² dütlich chlyner wiè diè anderè Showrooms, sèllèwäg sin au wènniger Gräät uusgschtellt, defür chönnèd Zubhörartikel für Handys un Drucker sowiè diversi Video- un Audiokabel dirèkt im Showroom im Shopville vo dè Laufkundschaft kauft wörrè. Diè minimi Laddèflächi lyt au dõdra, dass mò è witèri Pick-Up-Station am stärkschtè vo Bruèfspendler frequentyrtè Ort i dè Schwiz hèt wellè etablyrè.

Microspot ghört zu dè 2013 un 2014 zu dè zed umsatzschtärkschtè B2C-Onlineshops i dè Schwiz.[10][11][12]

Uuszeichnungè[ändere | Quälltäxt bearbeite]

Microschpot isch 2014 vo Konsumèntèschutzorganisationè zweimòl zum günschtigschtè Onlineshop für Elegtronikbrodukt uuszeichnèt worrè.[13][14]

Einzelnõchwys[ändere | Quälltäxt bearbeite]

  1. 1,0 1,1 1,2 Coop erweckt Microspot zum Online-Händler. I dè: Neue Zürcher Zeitung., 8. Mai 2007, abgruèfè am 11. Februar 2015.
  2. 2,0 2,1 Coop-Chef rechnèt mit witèrè Online-Milliardè. Schwizer Radio un Fèrnsee, 18. Februar 2015, Tobias Bossard, abgruèfè am 20. Februar 2015
  3. Microspot Unternämmensbeschrybig (Memento vom 17. Juni 2017 im Internet Archive). Microschpot Websitè, abgruèfè am 11. Februar 2015
  4. 4,0 4,1 Microspot Standorte. Microschpot Websitè, abgruèfè am 9. Septembèr 2015
  5. Nachruf
  6. Interdiscount 2008. Im: Historischè Lexikon vo dè Schwiz, 23. Januar 2008, abgruèfè am 11. Februar 2015
  7. Microspot un Interdiscount wörrèd eis. In: IT Reseller, 4. Novembèr 1990, abgruèfè am 11. Februar 2015
  8. Coop will mit neuem Online-Shop Marktführerin im Internetgeschäft mit Heimelektronik werden. Medièmitteilig Coop vum 6. Januar 2015, abgruèfè am 11. Februar 2015
  9. microspot.ch eröffnet Showroom in Bern. In: PCtipp, 31. August 2011, abgruèfè am 20. Februar 2015
  10. Ranking vo dè gröschtè Onlineshops 2013. Im: iBusiness, 17. Septembèr 2013, abgruèfè am 11. Februar 2015
  11. Diè umsatzschtärkschtè Schwizer Onlineshops 2013. Im: Carpathia E-Business Competence, Thomas Lang, 17. Septembèr 2013, abgruèfè am 11. Februar 2015
  12. Diè umsatzschtärkschtè Schwizer Onlineshops 2014. Im: Carpathia E-Business Competence, Thomas Lang, 22. September 2014, abgerufen am 11. Februar 2015
  13. Elegtronikbrodukt: Microschpot günschtiger als Digitec un Brack. Websitè Stiftung für Konsumèntèschutz, 13. Juni 2014, abgruèfè am 11. Februar 2015
  14. microspot.ch günschtigschtè Onlineshop vo dè Schwiz. In: Online PC, Patrick Hediger, 10. Dezembèr 2014, abgruèfè am 11. Februar 2015
Information icon.svg Dä Artikel basiert uff ere fräie Übersetzig vum Artikel „Microspot“ vu de dütsche Wikipedia.

E Liste vu de Autore un Versione isch do z finde.