Michela Figini

Michela Figini
Nation	Schweiz Schwiz
Geburtstag	7. April 1966 (60 Johr)
Geburtsort	Prato, Schweiz
Größi	168 cm
Karriere
Disziplin	Abfahrt, Super-G, Riiseslalom, Kombination
Verein	SC Airolo
Status	zruckträtte
Karriereänd	Februar 1990
Medallienspiegel
Olympische Spiele 1 × 1 × 0 × Weltmeisterschaften 1 × 2 × 0 × Junioren-WM 0 × 0 × 1 ×
Olympischi Winterspiil Gold Sarajevo 1984 Abfahrt Silber Calgary 1988 Super-G  Alpini Skiwältmeischterschafte Gold Santa Caterina 1985 Abfahrt Silber Crans-Montana 1987 Abfahrt Silber Crans-Montana 1987 Super-G Alpine Ski-JWM Bronze Sestriere 1983 Riiseslalom
Platzierige im alpine Skiwältcup
Debüt im Wältcup 21. Jänner 1983  Wältcupsiig 26  Gsamtwältcup 1. (1984/85, 1987/88)  Abfahrtswältcup 1. (1984/85, 1986/87, 1987/88, 1988/89)  Super-G-Wältcup 1. (1987/88)  Riiseslalomwältcup 2. (1984/85)  Slalomwältcup 28. (1984/85)  Kombinationswältcup 2. (1984/85)
Podiumsplatzierige 1. 2. 3.  Abfahrt 17 5 3  Super-G 3 2 3  Riiseslalom 2 2 4  Kombination 4 0 1

D Michela Figini (* 7. April 1966 z Prato) isch e ehmoligi Schwyzer Skirännfahreri.

Lääbe

Anne 1983 het d Michela Figini an dr Ski-Juniore-WM z Sestriere d Bronzemedallie im Riiseslalom gwunne, doderfir het si d Stiftig Schweizer Sporthilfe as Schwyzer Noowuchsathleti vum Johr 1983 uuszaichnet. In dr 1980er Johr het d Spezialischti fir di schnälle Diszipline zue dr sterkschte Skirännlaiferne zellt. Si het 26 Ainzelränne gwunne, dodervu 17 Abfahrtslaif, 1985 un 1988 dr Gsamtwältcup, viermol dr Ainzelwältcup in dr Abfahrt un aimol dr Super-G-Wältcup. Im Riiseslalomwältcup 1984/85 het si mit 110 Pinkt glych vyl ghaa wie d Marina Kiehl un au ai Siig meh in däre Saison, aber d Zahl vu dr Strychresultat het dr Uusschlag gee, wu d Kiehl mit 53 gegeniber 33 vorne glägen isch.

Bi dr Wältmaischterschafte het si 1985 z Santa Caterina in dr Abfahrt Gold gholt, zwai Johr speter het si bi dr Wältmaischterschafte z Crans-Montana d Silbermedallie in dr Abfahrt un im Super-G gwunne.

D Chrenig vu ihre Laufbahn isch dr Siig in dr Abfahrt bi dr Olympische Spiil 1984 z Sarajevo gsii, wu si d Maria Walliser un d Olga Charvátová uf dr zweet un dr dritt Blatz het chenne verwyse. Bi dr Olympische Spiil 1988 z Calgary het si im Super-G hinter dr Sigrid Wolf d Silbermedallie gwunne. No Differänze mit em Jan Tischhauser, em Schwyzer Nationalmannschaftstrainer, isch si anne 1990 zrugdrätte.

Hite läbt d Figini, wu no ihre Karriere au as TV-Kommentatori gschafft het, z Lugano. Si isch ghyrote mit em Sportschurnalischt Alberto Tettamanti. Us dr erscht Eh mit em Italiener Ivano Camozzi, eme ehmolige Skirännlaifer vu dr 1980er Johr, stamme zwai Chinder, d Dochter Valentina und dr Suhn Marco.

Erfolg

Olympischi Spiil

• Sarajevo 1984: 1. Abfahrt, 12. Riiseslalom
• Calgary 1988: 2. Super-G, 9. Abfahrt

Wältmaischterschafte

• Bormio 1985: 1. Abfahrt, 15. Riiseslalom
• Crans-Montana 1987: 2. Abfahrt, 2. Super-G, 4. Riiseslalom, 6. Kombination
• Vail 1989: 5. Super-G, 8. Abfahrt

Juniorewältmaischterschafte

• Sestriere 1983: 3. Riiseslalom, 4. Abfahrt, 16. Slalom

Wältcupwärtige

D Michela Figini het in dr Saison 1984/85 un 1978/88 dr Gsamtwältcup gwunne. Derzue cheme fimf Siig in Disziplinewärtige (viermol Abfahrt, aimol Super-G).

Saison	Gsamt		Abfahrt		Super-G		Riiseslalom		Slalom		Kombination
	Blatz	Pinkt	Blatz	Pinkt	Blatz	Pinkt	Blatz	Pinkt	Blatz	Pinkt	Blatz	Pinkt
1982/83	26.	52	24.	15	–	–	15.	25	–	–	16.	12
1983/84	5.	166	5.	67	–	–	6.	64	–	–	5.	67
1984/85	1.	259	1.	115	–	–	2.	110	28.	9	2.	60
1985/86	6.	178	6.	53	10.	24	6.	58	–	–	3.	43
1986/87	5.	162	1.	93	11.	27	5.	55	–	–	–	–
1987/88	1.	244	1.	143	1.	65	10.	29	–	–	14.	7
1988/89	3.	242	1.	176	5.	29	17.	18	–	–	5.	19
1989/90	8.	134	3.	105	13.	24	34.	5	–	–	–	–

Wältcupsiig

D Figini het 26 Wältcupränne gwunne, dodervu 17 Abfahrte, 3 Super-G, 2 Riiseslalom un 4 Kombinatione. Derzue cheme 9 zweeti Blätz un 11 dritti Blätz.

Abfahrt

Datum	Ort	Land
28. Jänner 1984	Megève	Frankrych
9. Jänner 1985	Bad Kleinkirchheim	Eschtrych
10. Jänner 1985	Bad Kleinkirchheim	Eschtrych
20. Jänner 1985	Saint-Gervais	Frankrych
12. Dezämber 1986	Val-d’Isère	Frankrych
16. Jänner 1987	Pfronte	Dytschland
8. Merz 1987	Nakiska	Kanada
11. Dezämber 1987	Leukerbad	Schwyz
14. Jänner 1988	Zinal	Schwyz
12. Merz 1988	Rossland	Kanada
2. Dezämber 1988	Val-d’Isère	Frankrych
12. Jänner 1989	Grindelwald	Schwyz
13. Jänner 1989	Grindelwald	Schwyz
18. Februar 1989	Lake Louise	Kanada
19. Februar 1989	Lake Louise	Kanada
24. Februar 1989	Steamboat Springs	USA
27. Jänner 1990	Santa Caterina	Italle

Super-G

Datum	Ort	Land
13. Jänner 1985	Pfronte	Dytschland
12. Dezämber 1987	Leukerbad	Schwyz
13. Merz 1988	Rossland	Kanada

Riiseslalom

Datum	Ort	Land
4. Jänner 1985	Maribor	Jugoslawie
21. Jänner 1985	Saint-Gervais	Frankrych

Kombination

Datum	Ort	Land
29. Jänner 1984	Saint-Gervais	Frankrych
9. Jänner 1985	Santa Caterina	Italie
8. Merz 1985	Arosa	Schwyz
6. Jänner 1986	Maribor	Jugoslawie

Anderi Erfolg

• 4 Schwyzer Maischtertitel:
  • Abfahrt: 1984, 1985, 1989
  • Riiseslalom: 1988
• Schwyzer Noowuchsathleti vum Johr 1983

Weblink

• Michela Figini in dr Datebank vum Internationale Skiverband FIS (änglisch)
• Michela Figini bei Ski-db (englisch)
• Michela Figini in dr Datebank vu Sports-Reference.com (änglisch)
• Michela Figini: Raketen-Aufstieg und Abgang mit Misstönen, SRF, 7. April 2016

Fueßnote

Dä Artikel basiert uff ere fräie Übersetzig vu dere Version vum Artikel „Michela_Figini“ vu de dütsche Wikipedia. E Liste vu de Autore un Versione isch do z finde.