Michael Müller

Us der alemannische Wikipedia, der freie Dialäkt-Enzyklopedy
Michael Müller (2017)

Dr Michael Müller (* 9. Dezämber 1964 z Berlin) isch e dytsche Bolitiker (SPD). Vu 2014 bis 2021 isch er Regierede Burgermaischter vu Berlin gsii. Dr Müller isch derzue vu 2004 bis 2012 un vu 2016 bis 2020 Vorsitzer vum SPD-Landesverband Berlin gsi. Vu 2011 bis 2014 isch er Burgermaischter un Senator fir Stadtentwicklig un Umwält gsii. Dodervor isch er Vorsitzer vu dr SPD-Fraktion im Abgordnetehuus gsii.

Läben un Beruef[ändere | Quälltäxt bearbeite]

Buechdruckerei Müller

Dr Michael Müller isch im Berliner Bezirk Tempelhof uf d Wält chuu, het anne 1982 di Mittler Ryfi gmacht un isch 1983 uf d Fachoberschuel Wirtschaft un Verwaltig gange. Anne 1986 het er e chaufmännischi Lehr abgschlosse un het syterhär as sälbständige Drucker gschafft. Zämme mit sym Vater het er e chlaini Druckerei z Berlin-Tempelhof.[1]

Dr Müller isch unter anderem Mitglid vu dr Arbeiterwohlfahrt (AWO) un vu dr Evangelische Chilche Berlin-Brandeburg-schlesischi Oberlausitz. Är isch ghyrote un het zwai Chinder.[2]

Bolitik[ändere | Quälltäxt bearbeite]

dr Michael Müller (2010)

Dr Michael Müller isch syter anne 1981 Mitgliid vu dr Sozialdemokratische Bartei vu Dytschland. Vu 1989 bis 1996 isch er Mitglid der Bezirksverordnetenversammlung (BVV) Tempelhof, zuletzt als Fraktionsvorsitzender. Von 2000 bis 2004 war er Kreisvorsitzender Tempelhof-Schöneberg.

Seit 1996 ist er Mitgliid vum Abgordnetehuus vu Berlin, syt 2001 as diräkt gwehlte Abgordete fir dr Wahlchrais Tempelhof-Schöneberg 4. Vu Juni 2001 bis Novämber 2011 isch er Vorsitzer vu dr SPD-Fraktion gsii, as Nofolger vum Klaus Wowereit no däm syre Wahl zum Regierede Burgermaischter am 16. Juni 2001. Noch em Ruggdritt vum Peter Strieder im April 2004 het er zuesätzli dr SPD-Landesvorsitz ibernuu. Am 9. Juni 2012 isch dr Müller in ere Champfabstimmig um s Amt vum Landesvorsitzer mit 101 Delegiertestimme gege dr SPD-Linke Jan Stöß unterläge, wu 123 Stimmen iberchuu het.[3] Dr Müller het as änge Verdröute vum Klaus Wowereit gulte.

Am 1. Dezämber 2011 isch er as Senator fir Stadtentwicklig un Umwält im Senat Wowereit IV veraidigt wore. Dr Müller isch derzue au Burgermaischter un dodermit ain vu dr beede Stellverdrätter vum Regierde Burgermaischter wore. Sy Noofolger im Amt vum Senator fir Stadtentwicklig un Umwält isch dr Lichtenberger Bezirksburgermaischter Andreas Geisel.

Am 29. Augschte 2014 het dr Müller verchi8ndet, ass er fir d Noofolg vum Klaus Wowereit wett kandidiere[4], wu am 26. Augschte 2014 sy Ruggdritt fir dr 11. Dezämber 2014 aagchindet ghaa het. In ere Urabstimmig vu dr Berliner SPD am 18. Oktober 2014 het si dr Müller gege dr SPD-Landesvorsitzer Jan Stöß un dr Fraktionsvorsitzer im Abgordnetehuus, dr Raed Saleh, mit ere absolute Meehait duregsetzt. Är isch uf 59,11 % vu dr Stimme chuu.

Am 11. Dezämber 2014 isch dr Müller mit 87 zue 58 Stimme bi aire Enthaltig zum Regierede Burgermaischter vu Berlin gwehlt wore.[5]

No dr Senatswahl 2016 het dr Müller e rot-rot-grieni Koalition mit dr Linke un dr Griene bildet un isch am 8. Dezämber 2016 wider zum Regierede Burgermaischter gwehlt wore.

Bi dr Bundesdagswahl 2021 het er mit 27,9 Brozänt vu dr Erschtstimme s Diräktmandat im Wahlkrais Berlin-Charlottenburg – Wilmersdorf gwunne un isch dodermit in Dytsche Bundesdag yyzoge.

Weblink[ändere | Quälltäxt bearbeite]

 Commons: Michael Müller – Sammlig vo Multimediadateie

Fueßnote[ändere | Quälltäxt bearbeite]

  1. Buchdruckerei Müller
  2. Websyte vu dr Senatsverwaltig
  3. SPD-Linker Stöß stürzt Berliner Landeschef Müller, Zeit, 9. Juni 2012
  4. Archivierte Kopie. Archiviert vom Original am 25. Oktober 2014; abgruefen am 11. Dezember 2014.
  5. Müller ist Berlins neuer Regierender Bürgermeister, faz.de, 11.12.2014
Dä Artikel basiert uff ere fräie Übersetzig vu dere Version vum Artikel „Michael_Müller_(Politiker,_1964)“ vu de dütsche Wikipedia. E Liste vu de Autore un Versione isch do z finde.