Mechthild vu Bade

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Mechthild von Baden (* no 1225; † no 1258) isch Grefi vu Wirttebärg gsi.

D Mechthild isch d Dochter vum Markgrof Hermann V. v Bade un dr Irmengard vu dr Pfalz gsi. Si het vor em 4. April 1251 dr Grof Ulrich I. vu Wirttebärg, dr Stifter, ghyrote

Die Hochzyt isch fir d Entwicklig vu Wirttebärg un Bade zimli wichtig gsi: s Huus bade het dr Schwärpunkt vu syyre Herrschaft verlageret vu dr Bsitzige im mittlere Neckarruum in dr nerflig Schwarzwald zwische Pforze un Bade. Mit däre Hochzyt isch di spete Landeshauptstadt Stuegert zue Wirttebärg chuu.

Us dr Eh vu dr Mechthild mit em Ulrich I. sin die Chinder fiirigange:

  • Ulrich II., Grof vu Wirttebärg (* no 1253; † 1279)
  • Agnes (* vor 1264; † 1305)
  • Mechthild (* vor 1264; † vor 1284).

D Mechthild von Baden isch in dr Stiftschilche Beutelsbach begrabe wore. Ihri Bei sin 1316 oder 1320 uf Stuegert in di dertig Stiftschilche iberfiert wore.

Literatur[ändere | Quälltäxt bearbeite]

  • Gerhard Raff, Hie gut Wirtemberg allewege, das Haus Württemberg von Graf Ulrich dem Stifter bis Herzog Ludwig, Stuttgart: Dt. Verl.-Anst. 1988, 3. Auflage, Dezember 1994, ISBN 3-421-06335-4