Matthias Aebischer

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Matthias Aebischer

Dr Matthias Aebischer (* 18. Oktober 1967 z Schwarzeburg) isch e Schwiizer Journalischt und Politiker.

Lääbe und Politik[ändere | Quälltäxt bearbeite]

Dr Aebischer het z Bäärn s Lehrerseminar bsuecht und vo 1988 bis 1990 z Ligerz als Schuelmäischter gschaffet. 1990 het er bim Radio Förderband als Journalischt agfange und isch zwöi Joor drufabe zum Schwiizer Radio ggange. Er het au als Redakter und Moderator bim Schwiizer Färnsee gschaffet. 2011 het er mit dene Arbeten ufghört, wil er i d Politik ggangen isch. Er het e Zyt lang a dr Uni Fryburg glehrt.

Im Oktober 2011 isch er füre Kanton Bäärn i Nationalroot gwäält worde, 2015 und au bi de Wahle 2019 het me ne z Bäärn wider gwäält. Er isch bi dr SP.

Dr Matthias Aebischer läbt i dr Stadt Bäärn und isch mit dr Zürcher Nazionalröötin Tiana Angelina Moser vo dr GLP zäme.

Weblink[ändere | Quälltäxt bearbeite]

 Commons: Matthias Aebischer – Sammlig vo Multimediadateie