Martin Egg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dor Martin Egg 1994

Dor Martin Egg (* 18. Juni 1915 z Krombach; † 18. September 2007 äbadord), vo Beruf Banggkaufmã, isch a bayrisch-schwäbischor Hoemeddichdor gwäa. Är isch sae Läaba lang mid sae-ra Heomedsdadd eng vorbonda bliiba.

Läaba[ändere | Quälltäxt bearbeite]

Uffgwaggsa isch dor Martin Egg z Krombach (Graes Genzburg), emm bayrischa Regiirongsbezirg Schwåba, als Sõ vom Finanzbeamda Gabriel Egg ond saera Frao Franziska. Bei dor Sbarkass vo Krummbach hådd-or dor Banggkaufmã glärnd. Gaschaffd hådd-or sae Läaba lang bei dor Sbarkass, dorvo fasd 18 Jår emm äbafalls bayrisch-schwäbischa Ottobeira, mån-or nåch saenor Pensionirong nå ao bliiba isch. D maesde vo saene Sacha hådd-or dord gschriiba. On sälbor vorfassdor humorvollor Riggbligg uff sae Läaba fended sich enn saem Buach „Es weihnachtat“[1]. Dees Buach isch vo älle saene Biachor s bekanndesde ond emm bayrischa Dåel vom Schwåbaland weid vorbraeded. Sae Doochdor Cölestine Egle-Egg hådd zo demm Buach ond zo andore faene schwarz-weise Sdrichzaechnonga gmåld.

Dialäggd ond Schreibweis[ändere | Quälltäxt bearbeite]

Saene Biachor send dåels emm osd-schwäbischa Dialäggd vorfassd, dåels enn hochdeidsch. Zwåe vo saene schwäbische Gedichd geids uff saera Homepage zomm Haera ond gäbbed on Aedruck vo saem Dialäggd.[2].

Sae Schreibweis isch eenlich wia dui vo andore osd-schwäbische Schreibor aus Bayorn: Må-mor hochdeidsch "e" [e] schreibd, abor schwäbisch "ä" [ɛ] schwäzzd, schreibd-or "ea". Är schreibd "au" firr drei Sacha: Firrs tatsächliche "au" [aʊ], abor ao firrs "ao" [ao] ond firrs "dongle a" [ɒ:]. Mor muas a bissle uffbassa, ond älle drei beim Vorläasa ondorschaeda.

Biachor[ändere | Quälltäxt bearbeite]

Website[ändere | Quälltäxt bearbeite]

Fuasnota[ändere | Quälltäxt bearbeite]

  1. Martin Egg, Es weihnachtat, Druckerei Müller, Krummbach, o. J., ISBN 3-934230-01-6, S. 118ff
  2. http://www.martin-egg.de/html/filme.html