Marlies Schoch

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Marlies Schoch (* 18. Novämber 1940[1] z Herisau[2]; † 23. April 2016[3]) isch e Schwyzer Gaschtwirtin un barteilosi Bolitikeri gsii.

Lääbe[ändere | Quälltäxt bearbeite]

D Schoch isch z Nöieburg uf d Handelsschuel gangen un het dert s Lehrerdiplom gmacht. Noch em Ärdbidem vu Agadir 1960 het si ne Johr lang z Marokko gläbt un het bim Widerufböu ghulfe. In dr USA isch si Kolaiteri vun eme Lager fir jidischi Chinder vu New York un New Jersey gsii. Speter het si zeh Johr as Primarlehreri z Vasön im Taminatal gschafft.[2][4][5]

Si isch ab 1971 d Wirti vum Uusflugsreschtaurant uf dr Hondwiler Höchi gsii.[2] Da Reschtaurant hät si vu ihrem verstorbnige Vater öberno. Si hät im Johr druf bschlosse, de Bärggaschthof, wo nu z Fuess erraichbar isch, au im Winter offe zbhalte.[6] Da hät si dänn au gmacht, und zwor a 365 Täg im Johr, inklusiv de Öbernachtigsmöglichkait im Madrazelager oder de drei Doppelzimmer.[7] Sit 1993 gits e chlinni Luftsailbahn (Materialbahn) zum Läbesmittel un anderi Güeter uf d Hondwiler Höchi z transportiere.[6] Si isch e Wirti für Gäscht us allne soziale Schichte gsii, hät es offes Härz für Ussesitter gha un hät Lüt ufgno, wo in ere schwirige Läbesphase gsi sind.[8] Nöd umesuscht hät si de Übername «Landesmueter» gha.[9]

Vu 1991 bis 2011 isch si Mitglid vum Gmaindsrot vu Hondwil un vu 1999 bis 2011 vum Kantonsrot vu Appizäll Usserrhode gsii.[3] Si het fir d Wideryyfierig vu dr 1997 abgschaffte Landsgmai kämpft.[2]

Derzue isch si Bresidänt vum Verchehrsverain un vu de Spitex Hondwil gsii und hät i de Fürsorgekommission s Asylwese betreut.[6][7]

D Marlies Schoch isch im Dokumentarfilm «Service inbegriffe», wo im 2013 vom Eric Bergkraut drait worden isch, aini vu fümf Brotagonischte gsii.[10][8]

Uf de dütsche Wikipedia isch si bis zu ihrem Tod under anderem au as «Frauenrechtlerin» bezaichnet worde. Uf die Bezaichnig hät si de Marcel Steiner, Gschäftslaiter vom Appezäller Mediehuus und Verleger vu de Appezäller Zitig im Raame vum letschte «Gipfelgspröch» uf de Hondwiler Höchi im November 2010 aagsproche. Si hät mit eme Möschterli zrogg gee; wel si d Lehrerstell nu aagnoo hai onder de Bedingig, as si de gliich Lohn öberchäm wie en Maa, so heg mer si afach as «Markus Schoch» i de Buechhaaltig gfüert.[1]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. 1,0 1,1 Der besondere Gast zum Schluss, Tagblatt Online, 22. Novämber 2010, abgruefen am 24. April 2016.
  2. 2,0 2,1 2,2 2,3 Die beste Wirtin der Schweiz Archivlink (Memento vom 24. März 2010 im Internet Archive), Tages-Anzeiger, 24. Dezämber 2009, uf dr Websyte vum Bärgreschtaurant Hundwilerhöhe, abgruefen am 24. April 2016.
  3. 3,0 3,1 Legendäre Wirtin der «Hundwiler Höhe» gestorben, Tagblatt Online, 24. April 2016, abgruefen am 24. April 2016.
  4. Die beste Wirtin der Schweiz, Tages-Aazeiger, 24. Dezämber 2009, uf tagesanzeiger.ch, aktualisiert am 25. April 2016, abgruefen am 28. März 2018.
  5. «Der Alpstein ist wie ein Rahmen. Er gibt einem Halt», Tagblatt Online, 28. Augschte 2015, abgruefen am 24. April 2016.
  6. 6,0 6,1 6,2 Marlies im Wunderland Archivlink (Memento vom 24. April 2016 im Internet Archive), Migros-Magazin, 9. Dezämber 2013, abgruefen am 24. April 2016.
  7. 7,0 7,1 Wohl und frei über dem Appenzellerland NZZ, Artikel vum 8. Oktober 2010
  8. 8,0 8,1 Menschlichkeit inbegriffen (Site cha nüme abgrüeft wärde; Suche im Webarchiv)[1] [2] Vorlage:Toter Link/www.tagblatt.ch Artikel uf Tagblatt Online vom 24. Augschte 2016
  9. Man nannte sie «Landesmutter» Tages-Aazaiger, Artikel vum 25. April 2016
  10. Service inbegriffe uf der-andere-film.ch
Information icon.svg Dä Artikel basiert uff ere fräie Übersetzig vu dere Version vum Artikel „Marlies_Schoch“ vu de dütsche Wikipedia.

E Liste vu de Autore un Versione isch do z finde.