Markus Heiniger

Dialäkt: Baseldütsch

Dr Markus Heiniger (* 18. August 1968 z Baasel) isch e Baaselbieter Liedermacher, wo uf Baaseldütsch, Bärndütsch und Hoochdütsch singt und sich sälber am Klavier begläitet.

Lääbe und Karriere[ändere | Quälltäxt bearbeite]

Dr Markus Heiniger isch am 18. August 1968 z Baasel uf d Wält cho. Er het scho as Chind Klavier afo spiile. Er het an dr Jugendmuusigschuel Läimedaal gleert, e Chorläiterkurs CSS gmacht, Fachdidaktik Muusig und Klavierunderricht am Leererseminar Liestel studiert, isch uf d Dschäässchuel Baasel gange und uf d Mainzer Akademii für Poesii und Muusig SAGO.

Er het scho as Juugedlige afo ufdräte. Brägt worde isch er vom Kwartett Johannes Kobelt, wo spööter e Kwintett worde isch, und und vo sim Seminarleerer und Chorläiter Hugo Dudli. Denn het er mit dr Ursi Bänteli Chinder-Miusicls für Gitarre und Klavier afo arrangschiere. Er isch mit em Franz Hohler sim Dootemügerli ufdräte. Er het mit em Glood und em Aernschd Born bim Trouba-Tour de Bâle mitgmacht und denn mit em Glood im Aerdbeebe. Mit em Max Mundwiler und em Glood het er BL SongPoetry ufgfüert. Au mit em Bärner Schansonniee Fritz Widmer isch er uf dr Büüni gstande und mit sine dütsche und ööstriichische Kolleginne und Kollege us em Christof Stählin sinere Mainzer Akademii SAGO.