Aernschd Born

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldytsch

Dr Aernschd Born (* 11. Dezämber 1949 z Züri, aigentlig Ernst Born) isch in dr dytschsproochige Schwyz fir syni Dialäggt-Lieder bekannt worde. Am Oberrhy het men en vor allem as Anti-AKW-Aktivist kennt.

Lääbe und Wärk[ändere | Quälltäxt bearbeite]

D Aernschd Born isch z Ziiri anno 1949 uf d Wält koo. Er isch z Basel ufgwaggse und scho in junge Joor het er no während synere Lehr als Reproduktionsfotograf Ändi vo de 1960-ger, syni erschte Lieder wie gäll, glych wiene Blatt, etc. gschriibe. Er hett sich nit nur fir Muusig intressiert sondern ka sich mit Stolz und Rächt e Poliaktivist nenne. Als Atomkraftgegner und Bsetzer vom Bauland fürs Atomkraftwärk Kaiseraugst mitti vo de 1970-ger gilt dr Aernschd as dr „Huussänger“ vo dr Anti-AKW-Beweegig und as Pazifischt und isch immer wider mit em Gsetz in Konflikt koo.

Er het zämme mit sinere Berliner Lääbenspartnere Barbara Preusler vo 2007 aa dr Baasler Kulturpavillon gläitet, e Zentrum für s Schwizer Lied und Chanson. Vo 2008 bis 2011 isch er dr Bresidänt vo dr Liederlobby gsi. 2010 het er sich bi de Waale z Rieche für d SP iigsetzt.

Dr Born isch vor allem als Sänger, Texter und Konzepter beschäftigt. Är hett mängg Bihnestugg gschriibe, Heerspiil uffgnoo und Biecher und Abentyyrroman fir Kinder verfasst.

Si Blatz in dr Mundartszeene[ändere | Quälltäxt bearbeite]

Worum dr Born nit so bekannt worde isch wie dr Mani Matter oder dr Franz Hohler isch nit glaar, vermuetlig aber hett är sich durch d Bsetzig vom Gländ vom Atomkraftwärk Kaiseraugst zvyyl Gegener gschafft und riskiert, sy Ruef z zerstöre. Usserdäm hett är wääsentlig weniger Lieder gschriibe als der bekannt Chansonsänger Matter und hett au nit d Mögligkeit gha, bim Radio go schaffe, wie das der Franz Hohler gmacht het.

De Born hät en Huufe Lieder gschribe und produziert. Er hät au Text für s Radio, Färnseh und Theater gschribe; z. B. "Zweierleier" im Schwizer Radio. Aber au für anderi Künstler schribt er satirischi Text und füert Regii; z. B. für s "Fasnachtskiechli mit Almi & Salvi", e populäri Vorfasnachtsveraastaltig im Scala z Basel.

Mit de "BORN Band Basel" isch er mit neue Lieder und Songs underwägs.

Eerige[ändere | Quälltäxt bearbeite]

Im Joor 1980 het dr Aernschd Born der Dytsch Glaikunstbryys Kategorie "Chanson" fir sy Doppel-LP Aendschtation Paradies bikoo.

Ufnahme[ändere | Quälltäxt bearbeite]

  • Gäll, 1972, EP
  • Glych wiene Blatt, 1973, LP
  • ChanSongs, 1974, LP
  • D’Ballade vo de Münschterfähri, 1975, LP
  • Bsetzerlieder, 1975, EP
  • Aentlig e Lied, 1977, LP
  • Liebeslied (auf Lieder zur Fristenlösung), 1977, EP
  • Supermärt, 1978, LP
  • Aendschtation Paradies, 1980, Doppel-LP
  • Summer in dr Schwyz, 1983, Single
  • Tauchstation, 1983, Single
  • Porno Porno, 1989, Maxi-Single
  • Natur de Sol, 1991, Single
  • Songs&So (Live), 1992, CD
  • RohMix99, 1999, CD
  • Born in Basel, 2001, Buech mit Doppel-CD, Noote und Text

Biecher[ändere | Quälltäxt bearbeite]

  • Ganz der Vater
  • Das Restaurant der sieben Sinne von Helene von Mosgenstein (1983)
  • Lieder zur Unzeit (2012)

Bihnestugg und Heerspiil[ändere | Quälltäxt bearbeite]

  • Nur mit de Füess voraa
  • Figaros Töchter
  • 6 Velogeschichte
  • Dr entführte Regierigsrot
  • Thommi und Claudia
  • INTER schützt vor Liebe NET
  • Stücke bei Zweierleier (Radio DRS 1)
  • Stücke bei Muppet-Show (Schweizer Fernsehen)
  • Teile der Sitcom Café Bâle (SF2)

Literatur[ändere | Quälltäxt bearbeite]

Weblink[ändere | Quälltäxt bearbeite]