Marianne Binder-Keller

Us der alemannische Wikipedia, der freie Dialäkt-Enzyklopedy

D Marianne Binder-Keller, wo am 15. Juni 1958 uf d Wält cho isch, isch e Schwiizer Politikerin.

Si chunt us em Kanton Aargau und ghöört politisch gseh zu dr CVP.

s Lääbe[ändere | Quälltäxt bearbeite]

D Marianne Binder-Keller isch d Dochter vom Anton Keller, wo früener mol, vo 1979 bis 1995, Schwiizer Nazionalroot gsi isch, und vo dr Schriftstellerin Rosemarie Keller geb. Borner. Si isch ghüroote mit em Andreas Binder, em Soon vom ehemolige Aargauer Nazionalroot Julius Binder, und woont mit irere Familie z Baade.

Si isch Lehrerin und schaffet als Berooterin für Komunikazioon und als Autoorin. Bis anne 2013 isch si d Komunikazioonsscheffin vo dr CVP Schwiiz gsi. Si isch d Presidäntin vo dr CVP vom Bezirk Baade und sit 2015 ghöört si zum Partäipräsidium vo dr CVP Schwiiz. 2016 isch si d Presidäntin vo dr Aargauer CVP woorde.

2013 het me si im Kanton Aarau zur Groossröötin gwählt.

Für d Wahl vo dr Schwiizer Bundesvrsamlig im Herbscht 2019 het d Binder-Keller kandidiert[1] und si isch am 20. Oktober in Nazionalroot choo. Iire Vatter und iiri Muetter sind bi dr Fyyr noch dr Dochter irere Wahl z Baade drby gsi.[2]

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Eva Berger: Marianne Binder will zurück auf die nationale Bühne – und dort die Mitte stärken, 7. Septämber 2019, uf aargauerzeitung.ch
  2. Daniel Weissenbrunner: CVP-Wahlfeier: Der Vater über die Tochter: «Marianne hat das wirklich gut gemacht», 21. Oktober 2019, uf badenertagblatt.ch