Margrit Winter

D Margrit Winter (* 13. Novämber 1917 z Lozärn, haimetberäächtigt z Bärn; † 18. Juni 2001 z Stäfa) isch e Schwyzer Schauspiileri gsii.

Lääbe

D Winter isch e Doochter vum Chaufmann Marcel Winter un syre Frau Lucie geb. Georgi gsii. Si het no dr Schuel zeerscht Schnyyderi gleert un derno bi dr Amateurgruppe Die Luzerner Spielleute iri schauspiilerisch Laufbaan aagfange. Eerschti Biinenufdritt het si in dr Zyt vum Zweete Wältchrieg z Biel un z Solothurn ghaa, speeter z Baasel, z Bärn un in ire Haimetstadt Lozärn.

D Winter het unter anderem d Lady Macbeth in Macbeth gspiilt un d Titelfiguure in Mutter Courage un Rose Bernd. Anne 1941 het sin ere wäärchdreie, bim Publikum aber weenig erfolgryyche Verfilmig vu dr Novelle Romeo und Julia auf dem Dorfe vum Gottfried Keller as Hauptdaarstelleri Vreneli Marti ire Filmdebüt gee. Ire doomoolig Filmpaartner Erwin Kohlund (1915–1992) isch anne 1943 ire Mann woore.

Speeter het si unter anderem im Kriminaalfilm Es geschah am hellichten Tag an dr Syte vum Heinz Rühmann un em Gert Fröbe mitgwiirkt. In dr zweedailige Romaanverfilmig Anne Bäbi Jowäger noch em Jeremias Gotthelf het si d Titelroll ibernuu. Syterhäär isch si vor allem am Theater ufdrätte.

Anne 1957 isch si mit em eerschte Hans Reinhart-Ring uuszaichnet woore. 1961 het si dr Chunscht- un Kultuurbryys vu dr Stadt Lozärn iberchuu.

1984 isch si bi dr Domfeschtspiil z Bad Gandersheim ufdrätte, wu si dr „Roswitha-Ring“ iberchuu het.

Ire Suun isch dr Schauspiiler Christian Kohlund, iri Doochter isch dr Schauspiileri un Reschiseeri Franziska Kohlund gsii.

Zum irem 80. Gebuurtsdaag isch s Fäärnseeproträt „Nur die Gegenwart ist lebendig“ vum Silvia Livio entstande (Schwyzer Fäärnsee DRS 1997).

Filmografy

Kinofilm

• 1941: Romeo und Julia auf dem Dorfe
• 1943: Matura-Reise
• 1944: Marie-Louise
• 1957: Bäckerei Zürrer
• 1958: Es geschah am hellichten Tag
• 1958: Die Käserei in der Vehfreude
• 1959: Café Odeon
• 1960: Anne Bäbi Jowäger – I. Teil: Wie Jakobli zu einer Frau kommt
• 1961: Anne Bäbi Jowäger – II. Teil: Jakobli und Meyeli
• 1962: Der Sittlichkeitsverbrecher
• 1964: Geld und Geist
• 1970: Dällebach Kari
• 1976: Riedland
• 1978: Stilleben

Fäärnsee

• 1962: Fuhrmann Henschel
• 1970: Die Bestattung des Oskar Lieberherr
• 1972: Gute Abig, Signor Steiger
• 1973: In Sachen Fischer
• 1973: Ein Fall für Männdli: Eine Million in kleinen Scheinen
• 1974: Engadiner Bilderbogen
• 1974: Selbstbildnis Béatrice S.

Theater (Uuswaal)

mit dr Luzerner Spielleute

• d Maria Magdalena in s Oskar Eberles Luzerner Passionsspiel

am Städtebundtheater Biel-Soledurn

• d Klärchen in Goethes Egmont, Reschy: Leo Delsen, Städtebundtheater Biel-Solothurn
• d Titelrolle in s Hauptmanns Hanneles Himmelfahrt, Reschy: Leo Delsen, Städtebundtheater Biel-Solothurn

am Stadttheater Baasel/an dr Baasler Theater

• 1942: d Titania in s Shakespeares Ein Sommernachtstraum, Reschy: Oskar Wälterlin
• 1942: d Emily Webb in s Wilders Eine kleine Stadt
• 1943: d Kattrin in s Bertolt Brechts Mutter Courage und ihre Kinder, Reschy: Leopold Lindtberg
• 1943: d Margarethe in s Goethes Faust, Reschy: Wälterlin
• 1944: d Titelroll in s Shakespeares Romeo und Julia
• 1944: d Miranda in s Shakespeares Der Sturm,
• 1945: d Jessica in s Shakespeares Der Kaufmann von Venedig
• 1947: d Ophelia in s Shakespeares Hamlet
• 1948: d Titelroll in s Hauptmanns Rose Bernd
• 1956: d Marja in s Tschechows Drei Schwestern, Reschy: Heinz Hilpert
• 1959: d Titelroll in s Arthur Honeggers Johanna auf dem Scheiterhaufen
• 1962: d Alkmene in s Kleists Amphitryon, Reschy: William Dieterle
• 1964: d Julia Imperiali in s Schillers Die Verschwörung des Fiesco zu Genua
• 1966: d Andromache in s Euripides’ Die Troerinnen,
• 1976: d Titelroll in der Uraufführung von Hansjörg Schneiders Die Schlummermutter, Reschy: Valentin Jeker
• 1976: d Frl. Rasch in Kroetz’ Wunschkonzert, Reschy: Valentin Jeker
• 1985: d Huushälteri in s García Lorcas Doña Rosita bleibt ledig, Reschy: Franziska Kohlund

am Schauspiilhuus Züri

• 1956: d Kassandra in s Aischylos’ Die Orestie, Reschy: Wälterlin
• 1957: d Margarethe in s Goethes Faust, Reschy: Lindtberg
• 1958: d Elisabeth in s Shakespeares Richard III., Reschy: Lindtberg
• 1958: d Titelroll in s Paul Hallers Marie und Robert,
• 1960: Lady Macbeth in s Shakespeares Macbeth, Reschy: Lindtberg
• 1961: Gertrude in s Shakespeares Hamlet
• 1961: d Frau Linde in s Ibsens Nora
• 1967: d Cheenigi Isabeau in s Schillers Die Jungfrau von Orleans
• 1973: d Anfissa in s Tschechows Drei Schwestern
• 1974: d Claudia Galotti in s Lessings Emilia Galotti, Reschy: Friedrich Dürrenmatt

am Stadttheater Lozärn/Lozärner Theater

• 1954: d Titelroll in s Anouilhs Jeanne oder Die Lerche

am Stadttheater St. Galle

• 1967: d Titelroll in s Brechts Mutter Courage und ihre Kinder

am Theater fir dr Kanton Züri

• 1971: Marthe in s Kleists Der zerbrochne Krug

am Theater am Neumarkt in Züri

• 1970: d Winnie in s Becketts Glückliche Tage

1953–55 am Hessische Staatstheater Wiesbaden

• d Titelroll in s Schillers Maria Stuart

1968–70 am Theater vu dr Stadt Trier

• d Titelroll in s Brechts Mutter Courage
• d Winnie in s Becketts Glückliche Tage

• 1984 un 1985 bi dr Feschtspiil Bad Gandersheim
• d Frau Wolff in s Hauptmanns Der Biberpelz
• d Gräfin Terzky in s Schillers Wallensteins Tod

Ab 1984 bi dr freie Theatertruppe Il Soggetto, wu vu ire Doochter Franziska Kohlund un em Buschi Luginbühl glaitet wooren isch

• d Titelroll in s Hildesheimers Mary Stuart
• d Titelroll in Philemon und Baukis noch em Leopold Ahlen
• dr Naar in s Shakespeares König Lear (mit irem Mann in dr Titelroll)
• 1993: d Gammleri in s Renato Sartis La Barbona

Literatur

• Thomas Blubacher: Margrit Winter. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 2109 f.
• Felix Aeppli: Margrit Winter In: Historisches Lexikon vo dr Schwiiz.

Weblink

• Margrit Winter in dr Internet Movie Database
• d Margrit Winter uf cyranos.ch

Fueßnote

Dä Artikel basiert uff ere fräie Übersetzig vu dere Version vum Artikel „Margrit_Winter“ vu de dütsche Wikipedia. E Liste vu de Autore un Versione isch do z finde.